གུ་དཔལ་ཤིས། 2022-09-16
ས་འགུལ་ཐེབས་པའི་ལྕགས་ཟམ་རྫོང་ལ་ཕུལ།
རྣོ་ལྕགས་ཀྱི་འཛིངས་བར་ལུས་པའི་ཁྱོད་ལ།
ཞེ་བསམ་པའི་གཏིང་རིམ་ནས་མཆོད་མེ་ཀོང་གཅིག་ཕུལ།
རྔམ་མཐུག་པའི་མུན་ནག་གི་གྲིབ་ཡོལ་གསལ་དགོས།
གཅིག་རྗེས་གཉིས་མཐུད་ཀྱི་གོད་ཆག་འདི་ཚོ།
ལྟེབས་ཉེས་གང་ཞིག་གིས་ཕམ་ཁའི་ང་རྒྱལ་ཡིན།
རློམ་ཐབས་བྲལ་བའི་སང་ཉིན།
མགོ་ཐོག་ཏུ་ཅི་ཞིག་གི་ཉམས་རྒུད་ལ་བསྒུག་ཡོད།
གསོན་དབུགས་མ་ཆད་པའི་བེམ་པོ།
འུ་ཐུག་པའི་ལག་པ།
སེན་ཀ་རྣག་གིས་གྲུབ་དོན།
སུ་ལ་གསང་དང་མ་གསང་མི་འདུག།
རྩོམ་གསར། 10