རི་སི་སྨད་པ་མཁར་རྫོང་ནི་སི་ཁྲོན་ཞིང་ཆེན་རྔ་བ་བོད་རིགས་ཆའང་རིགས་རང་སྐྱོང་ཁུལ་འཛམ་ཐང་རྫོང་རྩང་ཁོག་ཡུལ་ཚོ་རྒྱ་སྨོན་གྲོང་ཚོའི་སྤུ་གྲོང་སྡེར་གནས་པ་དང་། ཡོན་རྒྱལ་རབས་ཀྱི་དུས་མཇུག་དང་མིང་རྒྱལ་རབས་ཀྱི་དུས་འགོར་བསྐྲུན་ཞིང་། ད་བར་ལོ་700ཙམ་གྱི་ལོ་རྒྱུས་ལྡན་ཡོད། མཁར་རྫོང་ལ་ཁྱོན་ཐོག་བརྩེགས་དགུ་ཡོད་ཅིང་། མཐོ་ཚད་ལ་སྨི་25.6ཡོད་པ་དང་། ཕྱིའི་རྣམ་པ་སྐས་རིམ་ལྟར་ཆགས་ཤིང་། དེ་ནི་ཉར་ཚགས་ཆ་ཚང་བའི་བོད་ཀྱི་སྲོལ་རྒྱུན་གྲོང་མིའི་སྡོད་ཁང་ཞིག་ཡིན། 2006ལོར་རི་སི་སྨད་པ་མཁར་རྫོང་དེ་རྒྱལ་ཡོངས་ཀྱི་གཙོ་གནད་རིག་དངོས་སྲུང་སྐྱོབ་ཚན་པའི་ཁོངས་སུ་བཅུག་པ་རེད།