ལུས་སྨིན་དྲུག་ཇི་བཞིན་དུ་ཚེས་དགོས།   ཁ་རྗེ་སྐར་ཚོགས་ཇི་བཞིན་དུ་བཀྲ་དགོས།    བསོད་ནམས་སྦྲང་ཆར་ཇི་བཞིན་དུ་འབབ་དགོས།   དབང་ཐང་ཟླ་བ་ཇི་བཞིན་དུ་ཚེས་དགོས།  ཨ་སྔོན་དང་ཉི་ལྷ་འཕྲོད།
ས་གཞི་དང་ཉི་འོད་འཕྲོད།   བྲག་དཀར་དང་རྒོད་ཕྲུག་འཕྲོད།   གཡུ་ཆུང་དང་ཉ་སྲམ་འཕྲོད།   གཡུ་གྲུ་དཀར་དང་གཡུ་ལུང་འཕྲོད།   ཕྱེ་མར་དང་མདའ་དར་འཕྲོད།   བུ་མོ་དང་གཡང་སྐར་འཕྲོད།  ཕུགས་ལྷ་ཁྲ་མོ་ལ་སྙིང་བསྟན་དགོས།  སྙིང་ག་བསྟན་ལ་བཀྲ་ཤིས་དགོས།   སྒོ་གདན་ཁྲ་མོ་ལ་རྒྱབ་བརྟེན་དགོས།   རྒྱབ་གང་བརྟེན་ལ་གཡང་ཆགས་དགོས།   གཡང་རི་བོ་འདྲ་རྒྱབ་ལ་ཁུར་ཨ་ཡོད།   རྩི་ཤིང་ནགས་ཚལ་འདྲ་བ་དེ་སྔོན་ལ་དེད་ཨ་ཡོད།   གཡང་འདྲུད་འདྲུད་ཤུལ་ཤུལ་བྱས་ཨེ་ཡོད།   རི་མགོ་ལ་ཁ་བ་ཅིག་བབས་འདྲ་ཇེ་དཀར་དང་ཇེ་མཐོ།    རྒྱ་ཟངས་ཀྱི་འོ་མ་གང་འདྲ་ཇེ་གང་དང་ཇེ་བླུགས།   མར་སྒོར་གྱིས་རྩིག་པ་བརྩིགས་འདྲ་ཇེ་རྫིག་དང་ཇེ་མཐོ།    མཐིལ་བཞི་ནས་ཀྱིས་གང་འདྲ་ཇེ་ཟབ་དང་ཇེ་འཕེལ།   ཟ་མི་ལ་ན་ཚ་མེད་པར་ཤོག   ཟ་རུ་ལ་འཕེལ་གྲིབ་མེད་པར་ཤོག 
བཀྲ་ཤིས་ཀྱི་དར་འཕེན་དེ་མགོ་ལ་ཀྱི་རྒྱབ་ཨེ་ཡོད།   ཚེ་རིང་བའི་འཕྲུ་ཆུང་དེ་ལུས་ལ་ཀྱི་གྱོ ན་ཨེ་ཡོད   གཡང་འཁོར་བའི་འདོ་བ་དེ་འོག་ལ་ཅིག་རྐྱ་（ཞོན）
ཨེ་ཡོད།   དོན་འགྲུབ་པའི་རྦ་ལྕག་དེ་ལག་ལ་ཀྱི་ཁུར་ཨེ་ཡོད།   གཡང་ཤོག  གཡང་ཤོག   རྒྱན་དྲུག་མཆོག་གཉིས་ལ་སོགས་པའི་མཁས་པ་ཤེས་རབ་ཅན་རྣམས་ཀྱི་གཡང་ཤོག    སྟོབས་འཁོར་ལོ་བསྒྱུར་བའི་རྒྱལ་པོ་ལ་སོགས་པའི་རྒྱལ་བློན་བཙན་ཕྱུག་ཅན་རྣམས་