འབའ་ཆོས་སྡེ་དགོན་འབོ་ཟེ་（ཙམ）ཆགས་དུས་སུ།  ང་མདོ་ཤོད་ཤུལ་པ་བྲེ་ཟེ་ཆགས།   བྲེ་འབོ་གཉིས་དེ་མཉམ་ཆགས་རེད།   མདོ་ཤོད་ཤུལ་པ་ཕ་སྤྲེའུ་ཨ་རྒན་དང་མ་བྲག་སྲིན་མོའི་དུས་ཚོད་ནས་སྐད་ཆ་ཅིག་བཤད་ནས་གདའ་ན།   མདོ་ཤོད་ཤུལ་པའི་ཡུལ་ལྷ་ཡི་བཤད་པ་གཏོང་།  དཀར་འཛོམས་སྟེང་ལ་དཀར་འཛོམས་མཚོ་ཡི་བཤད་པ་གཏོང་བཞག་ན།   མཚོ་མགོ་ལ་སྔོན་ལ་སྟེང་ཡིན།   མཚོ་མཇུག་སྦྱ་ལུས་ཤུལ་སྟེང་ཡིན།   ལྟེ་བ་ཆུ་མིག་ནག་རིལ་ཡིན།   གྲོད་པ་འདུ་རི་ཕ་ཚུགས་ཡིན།   གཡས་ལ་གློ་ཆེན་གློ་ཆུང་ཡིན།   ཕ་ཨ་ཁུའི་བློ་སྟོབས་ཆེ་ཆུང་ཡིན།  གཡོན་ལ་སེང་ཆེན་སེང་ཆུང་ཡོད།   འབྲི་མ་བརྒྱ་བུ་བརྒྱ་འཕྲོད་ས་ཡིན།   འོག་ལ་མཚོ་ལུང་ཆེ་ཆུང་ཡོད།   མ་སྲི་མོའི་ཁོག་རྒྱ་ཆེ་ཆུང་ཡིན།   དཀར་འཛོམས་ཡར་ཐང་མར་ཐང་ཡོད།   རྐྱང་མདོ་བའི་རྐྱང་རྩལ་བསྐོར་ས་ཡིན།   དཀར་འཛོམས་ཆུ་ཁུགས་བཅོ་བརྒྱད་ཡོད།   ཉ་གསེར་མིག་གསེར་མདངས་རྒྱས་ས་རེད།   འདུ་རུའི་ཁྲབ་ཆེན་རྒྱ་མཚོ་ཡོད།   ཐག་པའི་སྦྲུལ་མགོ་གཉན་མོ་ཡོད།    དགེ་གཉེན་རླུང་ལྷ་གཉན་པོ་ཡོད།   བླ་ནག་ཕ་བོང་དུས་ཁྲ་སྤུན་གསུམ་ཡོད།   ཨ་མ་སྐུང་ཆེན་བདེ་མོ་ཡོད།   ཨ་མ་འབུམ་མཚོ་ཕྱུག་མོ་ཡོད། འབམ་སྐྱེས་ཤེལ་མགོ་གཉན་མོ་ཡོད།  གྲལ་ར་རྣལ་འབྱོར་བྲག་རིང་ཡོད།  གཡས་ལ་ཤོག་ཆེན་ཤོག་ཆུང་ཡོད།   གཡོན་ལ་ངོ་ཡག་ཆེ་ཆུང་ཡོད། ཨ་མྱེས་འདུ་རུ་གཉན་པོ་ཡོད།  ཨ་མྱེས་འབྲུ་སེ་གཉན་མོ་ཡོད།   འབྲུ་སེང་ཆུང་གནམ་གྱི་ཀ་བ་ཡིན།   སེང་ཆུང་ས་ཡི་སྟེགས་བུ་ཡིན།   རྡོ་རང་འཐག་གཡའ་སྔོན་ཁྲི་དཀར་ཡོད།   ལུང་པ་རྣ་བཞག་ལྕེ་བཞག་ཡིན།   འབམ་ཆེན་གྭ་གྭ་ཐང་ལ་རྟ་རྒྱུགས་རབས།    གྭ་གྭ་གདོང་ཟེའི་མགོ་ལ་འབོ་འཕེན་རབས།   ཨ་མ་འབུམ་མཚོ་འགོ་ལ་བསང་གཏོང་རབས།    འདུ་རུའི་སྤྲེའུ་ཕུག་ཞབས་ལ་ཤོ་རྒྱག་རབས།