ཁ་དྲག 2022-10-31
མཚན་དཔེ་ཟླ་བ་རྒྱས་ཚལ་དུ་སྤྱན་
ཟུང་ཨུཏྤལ་ཀེམ་ཀེམ་གཡོ།།
ཕྱག་སོར་པདྨའི་ཡལ་འདབ་རྩེ་རུ་རྒྱུད་
མངས་ཁུ་བྱུག་ལྷང་ལྷང་གྲག །
ལོ་ཁྲི་ལྷུན་པོའི་ཁྲི་སྟེང་ན་ཐུགས་གསུང་
ཡོན་ཏན་ཆ་རྫོགས་པའི།།
ལྷ་མོའི་མཚན་ཙམ་བཟློས་པ་ཡིས་ངག་
གི་རྩ་འདབ་འཁྲོལ་བར་ཤོག །
གནམ་ས་ཕྱེས་པའི་དུས་དེ་ནས་སྲིད་པ་
ཞིག་གི་ཆགས་རིམ་གསལ།།
སྤྲེལ་སྲིན་འདྲེས་པའི་སྐབས་དེ་ནས་
རིགས་རྒྱུད་ཅིག་གི་གཏམ་རྒྱུད་འབུས།།
དབྱངས་གསལ་འཁྲུངས་པའི་མཚམས་
དེ་ནས་སྐད་རིགས་ཤིག་གི་རྣམ་ཤེས་རྙེད།།
ལོ་རྒྱུས་རིང་བའི་མི་རིགས་འདི་འཛམ་བུ་
གླིང་གི་རྩེ་ལ་བཞད།།
དུས་ཀྱི་རླུང་བུ་གཡོས་པ་ཡིས་དར་རྒུད་རི་
མོ་སྣ་ཚོགས་བྲིས།།
རིགས་རུས་ཆོ་འབྲང་མ་འབོར་བར་
ཉི་ཟླ་གཉིས་ཀྱི་ཐོང་ལ་སྦས།།
བློ་རིག་གློག་གི་ཧྲག་བར་ནས་རིག་པའི་
གླེགས་བམ་མཁའ་ལ་བརྩིགས།།
ས་སྒང་མཛེས་པའི་རྒྱན་གཅིག་ཏུ་སྲིད་པའི་
བ་དན་དཀར་པོ་བསྒྲེངས།།
སྲིད་འཛིན་ས་ཡི་དབྱེ་ཕྱོགས་ཀྱིས་ཀྲུང་
ཧྭ་ཆེན་མོའི་མཐའ་ལ་བཏབ།།
རི་ཆུ་སྟོང་གི་ཁུག་པ་ནས་བདེ་སྐྱིད་
འཚོ་བའི་ལམ་ཁ་བསྙེགས།།
མི་རིགས་མང་པོའི་བྲོ་ར་ནས་ལྷན་དུ་
རྩེན་པའི་གླུ་གར་བགྱིས།།
བོད་པ་དཀར་པོའི་གཞིས་ཁྱིམ་འདི་
བོད་འབྲེལ་ས་ཡི་དབུས་ལ་ཆགས།
གནའ་བོའི་སྐྱེས་ཆེན་མཁས་ཆེན་གྱིས་
གནམ་ས་བཀབ་པའི་མཛད་པ་དང་།།
རྒྱ་བོད་གཉེན་གྱི་དར་ལམ་ལ་ཐབ་
རྡོ་བཙུགས་པའི་ལོ་རྒྱུས་དང་།།
བོད་ཡུལ་སྟོད་སྨད་བར་གསུམ་དུ་ཚོང་
འདུས་འཚོགས་པའི་སྔ་གྲས་སུ།།
དཀར་མཛེས་ཡུལ་གྱི་སྙན་གྲགས་འདི་རི་
དང་ལུང་པས་ག་ལ་ཁོག །
སྐལ་བཟང་དུས་ཀྱི་འབོད་པ་ཡིས་དཀར་
མཛེས་ཡུལ་ལ་བྱིལ་བྱིལ་བཏང་།།
དེང་རབས་བུ་མོ་སྒེག་ལྡན་མས་དཀར་མཛེས་
ཡུལ་ལ་བརྩེ་བ་སྦྱིན།།
སྲིད་ཇུས་ཚངས་པའི་ཚད་ཡིག་གིས་དཀར་
མཛེས་ཡང་དག་ལམ་ལ་ཁྲིད།།
ཐུང་ཐུང་ལོ་ངོ་བདུན་ཅུའི་ཁྲོད་དཀར་མཛེས་
སུམ་རྩེན་དཔལ་ལ་དྲངས།།
གྲོང་དང་གྲོང་ཁྱེར་རེ་རེ་ན་རྨི་ལམ་ལྟ་
བུའི་འཕོ་འགྱུར་ཡོད།།
ཡུལ་དང་གྲོང་ཚོ་རེ་རེ་ལ་སྨོན་པ་འཆོར་
བའི་འཚོ་བ་ཡོད།།
གཞིས་དང་ཁྱིམ་ཚང་རེ་རེ་ན་ཡིད་སེམས་
མགུ་བའི་བདེ་སྐྱིད་ཡོད།།
དབུལ་ཐར་ཕྱུག་འགྱུར་མ་དཔེ་ལ་དཀར་
མཛེས་མ་གཏོགས་གང་ཞིག་འོས།།
འབྲོག་ཡུལ་སྟོད་སྨད་བར་གསུམ་དུ་སྣུམ་
ལམ་འཇམ་པོ་དར་གྱིས་འཐེན།།
གྲོང་དང་གྲོང་ཁྱེར་སྦྲེལ་བྱེད་དུ་ལྕགས་
ལམ་ཨ་ལོང་དགུ་སྐྱས་བྱས།།
འཛམ་གླིང་ལྟད་མོར་བགྲོད་བྱེད་དུ་གནམ་
གྲུ་རྫུ་འཕྲུལ་རྐང་བ་འདྲ།།
དེང་རབས་ཚན་རིག་ལག་རྩལ་གྱིས་
དངོས་གྲུབ་ཆར་གྱི་བྱོ་བ་ལེགས།།
རང་བྱུང་རི་ཆུའི་བཀོད་པ་ལ་མཛེས་
པའི་སྒེག་ཉམས་མ་ལུས་ཚང་།།
མིས་བསྐྱེད་གླིང་ཀའི་ཇུས་འགོད་ལ་འཚར་
སྣང་སྟོང་གིས་ཉམས་འགྱུར་རྫོགས།།
རི་སྐྱེས་སྲོག་ཆགས་སྣ་ཚོགས་ཀྱང་མི་
དང་འཆམ་མཐུན་མཉམ་དུ་གནས།།
དཀར་མཛེས་ཡུལ་གྱི་མཛེས་སྡུག་ལ་ཉི་ཟླ་
གཉིས་ཀྱང་ཐུགས་སེམས་འཁྲེང་།།
སེམས་ཀྱི་དད་པ་སྐྱོང་བ་ལ་ཆོས་ལུགས་དད་
མོས་རང་དབང་སྦྱིན།།
རིགས་ཀྱི་སྨྱུ་གུ་སྤེལ་བ་ལ་མི་རིགས་སློབ་གྲྭ་
ཆེ་ཆུང་མང་།།
སྐད་དང་ཡི་གེ་སྐྱོབ་པ་ལ་དུས་དེབ་
ཚགས་དེབ་རྒྱུན་མར་སྤེལ།།
རང་སྐྱོང་ཁུལ་གྱི་ཁྱད་ཆོས་དེ་དཀར་
མཛེས་ཡུལ་ན་མངོན་པར་གསལ།།
གནའ་ཤུལ་རིག་གནས་གྲགས་ཆེན་ལ་
ཆེད་དུ་སྲུང་སྐྱོབ་ས་ཚིགས་བཙུགས།།
ཁྱད་ཆོས་ལྡན་པའི་གནས་ཡུལ་ལ་ཡུལ་
སྐོར་ལས་རིག་གསར་སྤེལ་བྱས།།
མི་རིགས་རེ་རེའི་དུས་སྟོན་ལ་ཐུན་མོང་
མིན་པའི་སྲིད་ཇུས་བསྒྲགས།།
ཕྱོགས་མཚམས་ཀུན་གྱི་ལྟ་སྐོར་བ་དཀར་
མཛེས་ཡུལ་ནས་བཟི་བར་གྱུར།།
དམངས་ཀྱི་འཚོ་བའི་འགན་ལེན་ལ་
དམིགས་བསལ་གྲོན་དངུལ་
བཏང་བ་བཟང་།།
ཀུན་གྱི་བདེ་ཐང་གསར་སྐྲུན་ལ་དམངས་
ཕན་སྨན་ཁང་བསྐྲུན་པ་ལེགས།།
སྤྱི་པའི་འཆམ་མཐུན་སྲུང་བ་ལ་ཁྲིམས་
ཀྱི་གཉའ་ཤིང་བདེན་པས་མཛེས།།
ཇུས་བཟང་ཀུན་དགའ་ར་བ་ནས་རེ་
བའི་དྲི་བསུང་ཕྱོགས་སུ་འཐུལ།།
དུས་ཀྱི་འགྱུར་བག་རྒོད་ན་ཡང་མི་
གཤིས་གསེར་གྱི་རང་མདངས་གསལ།།
གཞན་ཕན་སེམས་ཀྱི་ནོར་བུ་དེ་མི་རེའི་
རུམ་ན་རེ་རེ་མངའ།།
མཛའ་གཅུགས་གདུང་བའི་བརྩེ་བ་དེ་
རང་གི་སྲོག་དང་སྙིང་ལ་ལྟ།།
མཐུན་སྒྲིལ་ཡ་རབས་སྤེལ་བ་ལ་སོ་སྐྱེས་
སྐད་སྒྲ་ལྷང་ལྷང་ལྷང་།།
འདི་ན་ལས་ངན་རྒོལ་ངན་གྱི་སྦྱོར་བ་
ནུབ་ཕྱོགས་རླུང་གིས་ཁྱེར།།
ལས་ལ་བརྩོན་པའི་སྙིང་སྟོབས་ལ་
སྲ་མོ་ལྕགས་ཀྱིས་ངར་ཁ་བླུད།།
གོང་ལ་ཉན་ཞིང་འོག་སྐྱོང་བའི་འགན་
འཁྲི་མ་སྐུལ་དང་དུ་ལེན།།
འཇིག་རྟེན་མི་ཆོས་སྤེལ་བ་ལ་དཀར་
མཛེས་བ་ཚོ་མཁས་ཤིང་མཛངས།།
ང་ནི་རྒྱང་གི་མགྲོན་པོ་སྟེ་དཀར་མཛེས་
ཡུལ་ལ་ཨེན་ཙམ་འཁྱུག །
སྲིད་པའི་ཕུན་ཚོགས་རོལ་བ་ཡིས་སྙིང་
ལ་མངར་བའི་གསོས་ཀྱིས་ཚིམས།།
ཚིག་འཁྱོག་སྡེབ་ཉམས་ལ་དྲངས་པའི་
མཐོང་ཐོས་དྲན་པ་ཅི་རིགས་འདི།།
འགྲུལ་བཞུད་ལམ་ཁ་རིང་མོ་ནས་ཕྱིར་
མིག་ནང་གི་དུངས་བ་ཡིན།།
རྩོམ་གསར། 10