སྒོ་འཛི་ཆོས་ཉིད། 2022-10-21
མི་རིགས་ལྔ་བཅུ་ང་དྲུག་ལ།
ཁྱིམ་ཚང་གཅིག་གི་དྲོད་ཁོལ་སྤྲོད་པ་དང་།
ཕུགས་བསམ་མཐུན་པ་དང་།
རེ་འདུན་གཅིག་པའི་
ཏང་གི་ཚོགས་ཆེན་ཉི་ཤུ་པ་
འཚོག་པར་རྟེན་འབྲེལ་ཞུ།
མི་རིགས་ལྔ་བཅུ་ང་དྲུག་ལ་
བྱམས་བརྩེ་སྤྲོད་མཁན་གྱི་ཨ་མ་དང་།
ཐང་རྒོད་བཞིན་གཤོག་ཟུང་མཁའ་ལ་
བརྐྱངས་པའི་རེ་འདུན་སྤྲོད་མཁན་གྱི་
ཡབ་ཆེན་ལགས།
ཁྱེད་ནི་ང་ཚོས་ནམ་ཡང་དྲན་སླ་བ་དང་།
ཁྱེད་ནི་ང་ཚོས་ནམ་ཡང་
བརྗེད་དཀའ་བ།
ཁྱེད་ནི་མི་རིགས་ལྔ་བཅུ་ང་དྲུག་གི་
མཐུན་སྒྲིལ་གྱི་ལྟེ་བ།
དུས་རྒྱུན་ཁྱེད་ལ་དད་པ་དང་
ཁྱེད་ལ་ཡིད་སྨོན་བྱེད།
ཁྱེད་མེད་ན།
ད་ལྟའི་བདེ་སྐྱིད་ཡོད་མི་སྲིད་ལ།
ཁྱེད་མེད་ན།
ཉི་འོད་ཀྱི་དྲོ་འཇམ་དང་།
ཟླ་བའི་བསིལ་རླུང་ག་ལ་ཡོད།
ཁྱེད་མེད་ན།
ང་ཚོ་ནི་གཤོག་ཟུང་མེད་པའི་བྱ་ཕྲུག་ཅིག་དང་།
ཁ་ཕྱོགས་མེད་པའི་མི་བུ་ཞིག་ཏུ་འགྱུར་སྲིད།
ཁྱེད་ནི།
ང་ཚོ་མི་རིགས་ལྔ་བཅུ་ང་དྲུག་གི་བྱམས་
ལྡན་གྱི་བདག་པོ་ཡིན།
སྤྲོ་བ་ཚད་མེད་ཀྱིས་ཁྱེད་ལ་རྟེན་འབྲེལ་ཞུ།
རྩོམ་གསར། 10