སྔོན་བསགས་བསོད་ནམས་བཟང་

པོའི་མཐུན་རྐྱེན་གྱིས།།

སྲིད་པའི་ཁམས་ནས་དལ་འབྱོར་མི་ལུས་ཐོབ།།

མི་ཡི་ས་མཁན་བྱམས་ལྡན་མཆོག་གྱུར་མ།།

ང་ཡི་ཨ་མ་རྗེ་བཙུན་སྒྲོལ་མ་འདྲ།།

ང་རང་བྱིས་དུས་གཡེར་བག་ཤིན་ཏུ་ཚ།།

ཨ་མ་གར་འགྲོ་མིག་གི་འཚོས་པ་མང་།

ཨ་མ་གར་འགྲོ་ང་ཡང་དེ་རུ་འགྲོ།

ཨ་མ་མེད་ན་སྐད་ཅིག་སྡོད་པར་བྲལ།།

ཆུང་ངུའི་དུས་སུ་རྨི་ལམ་

འཇིགས་སྣང་རྨིས།།

མཚན་མོར་ཁེར་རྐྱང་ཉིན་མོར་སྐྱོ་བའི་དུས།།

ཡིད་དུ་འཁོར་བ་ཨ་མའི་ཞལ་གཟུགས་ཡིན།།

དྲན་ཞིང་གདུང་བས་ཨ་མ་ལན་གསུམ་བོས།།

དྭངས་སྟོད་ཁོག་ནི་ལྷ་ཡུལ་

ཁམས་དང་མཚུངས།།

གཡང་དཀར་ལུག་ཁྱུའི་ཁྲོད་ནས་

ལྷག་ཏུ་མཛེས།།

ཨ་མས་ང་ལ་ཁྲོ་རིལ་སྣ་ཚོགས་ཀྱི།།

རྒྱན་ཆ་བཏགས་ཏེ་སྙིང་གི་བུ་ཞེས་འབོད།།

ཨ་མ་སྒྲོལ་མས་ཉིན་རྒྱུན་ཐུལ་དཀར་འབྲི།།

དལ་བར་བསྐོར་ཏེ་ཕ་གིའི་རི་ལ་བཀྲམ།།

ཆར་ཆུའི་ཁྲོད་ནས་འཛུམ་བཞིན་ཁྱིམ་དུ་ལོག།།

རེའུ་ལྕག་བཏུས་ཏེ་ང་ལ་ཞྭ་མོ་བསླེས།།

དབྱར་གྱི་ནམ་ཟླ་རྟག་པ་བརྟན་པ་མེད།།

ལན་རེ་གནམ་ས་བླ་འོག་བརྗེ་པ་ལྟར།།

ཆར་ཆེན་བབས་ཤིང་འབྲུག་གྲག་

གློག་ཞགས་འཕེན།།

དེའི་ཚེ་ང་རང་ཨ་མའི་སྙིང་ལ་གླན།།

ད་ལྟ་ལོ་ན་བགྲེས་པའི་ཨ་མ་ལགས།།

རྒྱང་རིང་ཡུལ་ནས་སྔར་བཞིན་ང་ལ་སྒུག།

མདོར་ན་བདག་ལ་བརྩེ་བའི་བྱམས་

ལྡན་མ།།

ཁྱེད་ཉིད་བཞུགས་པས་བུ་ལ་

དྲོད་ཁོལ་འཛོམས།

བྱིས་པའི་ལོ་ཟླ་དྭངས་ཤིང་

གཙང་ན་ཡང་།།

སྡོད་པ་མེད་པར་སྐད་ཅིག་

ཉིད་དུ་ཤོར།།

དལ་འབྱོར་མི་ལུས་རིན་ཐང་

ལྡན་གྱུར་ཀྱང་།།

འཆི་བར་འགྱུར་ཚེ་བེམ་པོ་འབའ་

ཞིག་ཉིད།།