2022-05-31
ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པ་ཚེས27ཉིན་ནས་འཚོག་འགོ་བཙུགས་ཡོད།སི་ཁྲོན་རྟོག་ཞིབ་གསར་འགྱུར་གྱིས་ཞིང་ཆེན་ཏང་གི་འཐུས་མི་ཚོགས་ཆེན་གྱི་སྐབས་སུ་ཏང་གི་འཐུས་མིའི་ཚོགས་ཞུགས་ཟིན་བྲིས་ཞེས་པའི་ལེ་ཚན་ཞིག་བཟོས་པ་རེད།ང་ཚོས་རང་ཁུལ་གྱི་ཏང་གི་འཐུས་མི་ཚོས་གཙོ་གནད་དང་དོ་ཁུར་བྱ་ཡུལ་གང་དག་ཟིན་བྲིས་སུ་བཏབ་ཡོད་པ་རྒྱུས་ལོན་ཞིག་བྱེད།
འཐུས་མི་སུང་ཞའོ་ཅུན། ལྕགས་ཟམ་རྫོང་ཨུའི་ཧྲུའུ་ཅི། ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པའི་སྙན་སེང་གི་ནང་དུ་སི་ཁྲོན་གྱི་འདས་པའི་ལོ་ལྔའི་དྲིན་དྲན་ཧུར་སྐྱོད་ཀྱི་གྲུབ་འབྲས་རླབས་པོ་ཆེ་ལ་ཕྱོགས་བསྡོམས་བྱས་ཡོད་ཅིང་། མ་འོངས་པའི་ལོ་ལྔའི་ལས་དོན་གྱི་ཁྲིད་སྟོན་བསམ་བློ་དང་འབད་འཐབ་དམིགས་འབེན། ཤུགས་རྒྱག་ས་གཙོ་བོ་བཅས་ཁ་གསལ་གཏན་འཁེལ་བྱས་ཡོད། ལྕགས་ཟམ་རྫོང་རྒྱལ་རོང་རྒྱལ་མོ་རྔུལ་ཆུའི་འགྲམ་གྱི་གསར་བརྗེའི་གྲོང་ཁྱེར་གྲགས་ཅན་ཞིག་ཡིན་པའི་ཆ་ནས།ལྕགས་ཟམ་གྱི་བུ་རྒྱུད་རྒྱ་ཆེ་བས་འཕེལ་རྒྱས་སྔོན་ལ་གཏོང་བ་དང་མཐུན་སྒྲིལ་བརྟན་བརླིང་གི་དར་ཆ་ཞུམ་པ་མེད་པར་ཕྲག་ཏུ་འཁུར་བ་དང་།ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པའི་བཀོད་སྒྲིག་ལྟར། དམར་དམག་རྒྱང་སྐྱོད་ཀྱི་སྙིང་སྟོབས་བརྒྱུད་འཛིན་དང་།རྒྱང་སྐྱོད་རྒྱལ་ཁབ་རིག་གནས་གླིང་ག་ལས་དཀར་མཛེས་ཁུལ་གྱི་དུམ་མཚམས་ལྕགས་ཟམ་གྱི་དཔེ་སྟོན་ས་ཚད་གཞི་མཐོན་པོས་གསར་དུ་གཟུགས་དགོས།གསར་བརྗེའི་རིག་དངོས་སྲུང་སྐྱོང་བེད་སྤྱོད་བྱེད་ཤུགས་ཆེ་རུ་གཏོང་ཞིང་།དམར་དམག་གིས་ལྕགས་ཟམ་མྱུར་འཕྲོག་བྱེད་པའི་དྲན་གསོ་ཁང་གི་འགྲེམས་སྟོན་སྒྲིག་ཆས་ཀྱི་སྤུས་རིམ་སྤར་བ་དང་།རིག་ལྡན་དངོས་མང་བཤམས་སྟོན་ཁང་འཛུགས་ཤིང་རིག་དངོས་བསྡུ་ལེན་གྱི་ལས་དོན་འགྲུབ་ཐུབ་པ་བྱ་རྒྱུ་དང་། སྤུས་ཚད་མཐོན་པོས་ལྕགས་ཟམ་ལྗོངས་ཁུལ་དེAལྔ་རིམ་པའི་ལྗོངས་ཁུལ་དུ་འཛུགས་པ་དང་། ཚད་གཞི་མཐོན་པོས་རྒྱང་སྐྱོད་རྒྱལ་ཁབ་རིག་གནས་གླིང་ག་ལྕགས་ཟམ་ལྟེ་གནས་འགྲེམས་གླིང་གཟུགས་དགོས། དེ་དང་ཆབས་ཅིག་ཡུལ་སྡེ་འཛུགས་སྐྲུན་བྱ་སྤྱོད་དང་ཟུང་དུ་སྦྲེལ་ནས།ཧྭ་ལིན་གནའ་ལམ་གསར་བརྗེའི་གྲོང་སྡེ་དང་། ལ་ངོས་གསར་བརྗེའི་གནའ་གྲོང་སོགས་གསར་བརྗེའི་ཡུལ་སྐོར་བྱ་ཡུལ་སྤུས་ལེགས་སྐྲུན་ཤུགས་ཆེ་རུ་གཏོང་ཞིང་། གསར་བརྗེའི་རིག་གནས་དང་ཡུལ་སྡེ་དར་རྒྱས་ཟུང་དུ་སྦྲེལ་བའི་གྲོང་སྡེ་ཁྱད་ཆོས་ཡོད་པ་ཚན་འབོར་ཞིག་བསྐྲུན་ཏེ། རིག་གནས་ཡུལ་སྐོར་མཉམ་འདྲེས་འཕེལ་རྒྱས་སྤུས་ཚད་མཐོན་པོར་ཡོང་བས་ཡུལ་སྡེ་དར་རྒྱས་ལ་སྐུལ་ཁྲིད་བྱ་དགོས། འཐུས་མི་ཞ་ཡུན། ལྕགས་ཟམ་རྫོང་རིག་དངོས་གནའ་རྟོག་ཞིབ་འཇུག་ཁང་གི་ཞིབ་འཇུག་པ་གཞོན་པ། གཞི་རིམ་གསར་བརྗེའི་རིག་གནས་ཞིབ་འཇུག་པ་དང་ལས་ཡུལ་གྱི་འགྲེལ་བཤད་པ་ཞིག་ཡིན་པའི་ཆ་ནས། རང་ཉིད་བྱ་གཞག་རླབས་པོ་ཆེའི་བདེན་དཔང་པ་དང་འགྲེལ་བཤད་པ་ཞིག་ཏུ་གྱུར་པར་སྤོབས་པ་རབ་ཏུ་བརྟས། ཞིང་ཆེན་ཏང་གི་འཐུས་མི་ཚོགས་ཆེན་གྱི་སྙན་སེང་ལ་ཉན་རྗེས་སྤྲོ་སེམས་དང་ངར་ཤུགས་ལྷག་ཏུ་འཕེལ། འདས་པའི་ལོ་ལྔ་ནི་ཐུན་མོང་མ་ཡིན་པའི་ལོ་ལྔ་ཡིན་ལ་འབད་འབུངས་ཧུར་སྐྱོད་ཀྱི་ལོ་ལྔ་ཡང་ཡིན། ཏང་གིས་ང་ཚོའི་འགོ་ཁྲིད་དེ་ཐོབ་པའི་གྲུབ་འབྲས་ནི་དགའ་འོས་ལ་ཧུར་སྐྱོད་ཀྱི་ལམ་བུ་ནི་གཟི་རླབས་ཆེ་བས། གཞི་རིམ་ཏང་མིའི་ལམ་ལུགས་ཀྱི་གདེང་ཚོད་དང་རིགས་གཞུང་གི་གདེང་ཚོད། ལམ་ལུགས་ཀྱི་གདེང་ཚོད། རིག་གནས་ཀྱི་གདེང་ཚོད་བཅས་ཇེ་ཆེར་སོང་ཡོད། ལྷག་པར་དུ་རིག་གནས་ཀྱིས་ཞིང་ཆེན་སྟོབས་ལྡན་དུ་གཏོང་བའི་བཀོད་སྒྲིག་ལ་ལྟ་དུས་ང་རང་ལ་སེམས་འགུལ་ཆེན་པོ་ཐེབས་བྱུང་། སྙན་སེང་གི་ནང་དུ་ལྕགས་ཟམ་དང་རྒྱང་སྐྱོད་རྒྱལ་ཁབ་རིག་གནས་གླིང་ག་སོགས་བཤད་ཡོད་པས་ང་ཚོར་དུང་སེམས་མཉམ་སྐྱེས་དང་དོ་ཁུར་མཉམ་བྱེད་ཀྱི་འདུན་པ་ངམ་ཤུགས་སུ་སྐྱེས་ཤིང་། ང་རང་འགྲེལ་བཤད་པ་ཆུང་ཆུང་ཞིག་ལ་ཁྱབ་སྒྲོག་གི་ཕུགས་འདུན་ཆེན་པོ་ཞིག་ཀྱང་ལྡན་སོང་། ངས་སྔར་བཞིན་ཞུམ་མེད་མདུན་དུ་སྐྱོད་པའི་འཐབ་འཛིང་གི་སྙིང་སྟོབས་འཆང་བ་དང་། མདུན་སྐྱོད་ལམ་བུར་འཕྲོད་པའི་ལྕགས་ཟམ་དང་གྱ་གྱུ་རི་བོ་ལྟ་བུའི་དཀའ་ཚེགས་དག་དཔའ་ངར་ཆེན་པོས་བསལ་ཞིང་། ཡར་བརྩོན་ཧུར་ལེན་དང་ཡག་ཐོག་ཡག་བརྩེགས་ཀྱིས་རང་འཁྲིའི་ལས་དོན་ཡག་པོ་སྒྲུབ་པ་དང་། མངགས་བཅོལ་དང་འགན་འཁྲི་ཆུད་ཟོས་སུ་མི་གཏོང་བར་དུས་རབས་གསར་པའི་ཏང་གི་འཐུས་མི་ཕུལ་བྱུང་ཞིག་བྱེད་གང་ཐུབ་བྱ་རྒྱུ་ཡིན། འཐུས་མི་ཀྲེན་ཅན་ཡིང་། དར་མདོ་གྲོང་ཁྱེར་གཡག་རྭ་ཡུལ་ཤོག་ཟམ་ཐོག་གྲོང་སྡེའི་ཏང་ཀྲི་པུའུ་ཧྲུའུ་ཅི། ཞིང་ཆེན་ཏང་གི་འཐུས་མི་ཚོགས་ཆེན་གྱི་སྙན་སེང་ནང་དུ་སི་ཁྲོན་གྱི་འབྱུང་འགྱུར་ལོ་ལྔའི་འཕེལ་རྒྱས་ཀྱི་འཆར་གཞི་བཀོད་ཡོད།གཞི་རིམ་གྱི་ཏང་གི་འཐུས་མི་ཞིག་ཡིན་པའི་ཆ་ནས།ངས་དུས་ཐོག་ཏུ་ཚོགས་འདུའི་སྙིང་དོན་གཞི་རིམ་དུ་བསྒྲག་རྒྱུ་ཡིན། ཞིང་ཆེན་ཏང་གི་འཐུས་མི་ཚོགས་ཆེན་གྱི་སྙན་སེང་ནང་དུ་བདེ་ཐང་སི་ཁྲོན་སྐྲུན་ཤུགས་ཆེ་རུ་གཏོང་བའི་ནང་དོན་བཤད་འདུག།དེ་མུར་ངས་ང་ཚོའི་གྲོང་སྡེའི་གནས་ཚུལ་དྲན་ཡོང་གི་འདུག།ངེད་གྲོང་སྡེར་ལོ་ན60ཡན་གྱི་རྒན་རྒོན70ལྷག་ཡོད།ད་ཆ་ཚང་མས་སྨན་བཅོས་ཉེན་སྐྱོབ་དང་རྒན་གསོའི་ཉེན་སྐྱོབ་ཉོས་ཡོད།དེའི་ཐོག་ཉེ་བའི་ལོ་ཤས་རིང་ལ། སྨན་བཅོས་ཉེན་སྐྱོབ་ཀྱི་ཁེབས་རྒྱ་ཇེ་ཆེར་སོང་བ་དང་།གྲོང་ཡུལ་གཞིས་མིའི་སྨན་བཅོས་ཉེན་སྐྱོབ་བཙུགས་པར་རྒྱལ་ཁབ་དང་ས་གནས་ཁག་གི་རིམ་ཁག་ཏང་ཨུ་དང་སྲིད་གཞུང་གིས་འབད་བརྩོན་ཆེན་པོ་བྱས་དང་བྱེད་བཞིན་ཡོད།སྨན་བཅོས་ཉེན་སྐྱོབ་མ་ལག་ཁྱོན་ཡོངས་ལ་ཁེབས་པ་དང་བསྟུན་ནས།མཐོ་སྒང་ཞིང་འབྲོག་མང་ཚོགས་ཀྱི་བདེ་ཐང་འདུ་ཤེས་ཇེ་དྲག་ཏུ་སོང་ཡོད་ཅིང་།ནད་ཕོག་དུས་ལེ་ལོ་མི་བྱེད་པར་དུས་ཐོག་སྨན་ཁང་དུ་སྨན་བཅོས་བྱེད་སར་འགྲོ་བཞིན་ཡོད།སྨན་བཅོས་ཉེན་སྐྱོབ་ལ་བརྟེན་ནས་མང་ཚོགས་ཀྱི་ནད་ལྟ་དཀའ་བ་དང་སྨན་རིན་འགྲོ་སོང་ཆེ་བའི་གནད་དོན་ཐག་གཅོད་ཡག་པོ་ཐུབ་ཡོད། ཕྱིན་ཆད་ངེད་གྲོང་སྡེས་མུ་མཐུད་དེ་གྲོང་ཡུལ་གཞིས་མིའི་སྨན་བཅོས་ཉེན་སྐྱོབ་སྲིད་ཇུས་ལག་ལེན་བསྟར་བ་དང་།མང་ཚོགས་ཀྱི་ཡོང་འབབ་ཇེ་མང་དུ་གཏོང་བ་དང་བསྟུན་ནས་མང་ཚོགས་དེ་བས་མང་པོར་གྲོང་ཡུལ་གཞིས་མིའི་སྨན་བཅོས་ཉེན་སྐྱོབ་ཀྱི་ཁེ་ཕན་རག་ཏུ་གཞུག་རྒྱུ་ཡིན།
ཐུབ་བསྟན་གྱིས་བསྒྱུར།
རྩོམ་སྒྲིག་པ། མགར་རྒྱལ་སྲས།
དོ་སྣང་ཆེ་བའི་རྩོམ།
རྩོམ་གསར། 10