མེ་ལོང་། ངས་ཇི་ཙམ་བལྟས་ཀྱང་འགྱུར་མི་སྲིད་

པའི་མེ་ལོང་།

ངའི་རྣམ་འགྱུར་ལ་ཡིད་ཆེས་བྱེད་བཞིན་པའི་མེ་ལོང་།

ང་དགོད་དུས་ངུ་ཞིང་། སྡུག་དུས་མི་དགོད་པའི་མེ་ལོང་།

མེ་ལོང་། ངས་ཅི་ཙམ་འཁང་ར་བྱས་ཀྱང་སྤྲོ་མི་ལངས་

པའི་མེ་ལོང་།

ངའི་ལྟག་རྒྱབ་ནས་ལྐོག་བཤད་མི་བྱེད་པའི་མེ་ལོང་།

ང་སྐྱོ་དུས་དགའ་ཞིང་། དགའ་དུས་མི་སྐྱོ་བའི་མེ་ལོང་།

མེ་ལོང་། ངས་ཇི་ཙམ་འགྲོགས་འདྲིས་བྱས་ཀྱང་སུན་

སྣང་མེད་པའི་མེ་ལོང་།

ངའི་བྱ་བ་ལ་ལེ་བདའ་མི་བྱེད་པའི་མེ་ལོང་།

ང་བྲེལ་དུས་འདུག་ཅིང་། འདུག་དུས་མི་བྲེལ་

བའི་མེ་ལོང་།