འཇིག་རྟེན་གྱི་དགའ་སྡུག་མཚོན་བྱེད་དུ།

ངས་མངར་སྐྱུར་གཉིས་དྲངས་ཏེ།

རྐན་གྱི་སུམ་མདོ་རུ་མྱངས་པའི།

སྐྱུར་རུ་ལེབ་མོ་ཚིག་གིས་དཀྲུགས་ཤིང་།

ཁྱོད་ཀྱི་སུན་སྣང་དང་དགའ་སྡུག།

ང་ཡི་ཁེར་རྐྱང་དང་གདུང་བ།

བྲིས་མི་ཚར་བའི་ལོ་ཟླའི་ལྟེབས་ཁུད་དུ་

གཅུད་དེ།

སྤྲིན་དང་རི་བོའི་འདྲེས་མཚམས་སུ་

སྦས་ཤིང་།

རྣམ་དཔྱོད་ཀྱི་མེ་རོ་སླར་ཡང་གསོ་

བར་བརྩམས།

ཕྱེད་ཀ་རླུང་གིས་རྔུབ་པའི་ཐ་མག་རྐང་

གཅིག་ལ།

ཚོར་བའི་ཡན་ལག་བཀལ་ཏེ།

སྟོང་ཆར་ལུས་པའི་འཇིག་རྟེན་འདིའི་འདྲི་

རྟགས་རེ་རེ།

ཚིག་གི་སྙི་ས་ནས་འཐེན་ཏེ་མདུན་དུ་

བསུས་ཤིང་།

ལྟ་གྲུབ་གསར་པར་རྒྱང་མིག་གིས་

འཚོས་ཏེ།

མངར་སྐྱུར་དང་མག་མོག་མཐའ་དག།

འཇིག་རྟེན་ཀྱི་ཕྱི་ཤུན་རྐྱང་རྐྱང་དུ་སྒྲུབ་ཀྱིན།

རང་ཉིད་ལ་བདག་མེད་ཀྱི་བདེན་ཁ་སྟེར་

བར་བྱས།

ཡིན་ཡང་ལན་རེར།

སངས་རྒྱས་འོད་དཔག་མེད་ཀྱི་གཙུག་ཏོར་

ནས་བྱུང་བའི།

ཆོས་ཉིད་ཀྱི་གཟུགས་འགྱུར་ལ་དྲན་པ་གླན་

ཐེངས་རེར།

ཁོ་ཐག་མི་ཆོད་པའི་ནང་སེམས་ཀྱི་འཁུན་སྒྲ་

མ་ལུས།

དབང་མེད་དུ་གཏོང་བར་ཐེ་ཚོམ་མེད་ཅིང་།

རྒྱུ་འབྲས་ཀྱི་གཏན་ཚིག་ཡོད་དོ་ཁུངས་ནས་

བརྡིབས་ཏེ།

ཆོས་ཉིད་ཀྱི་ཐག་སྣེ་རུ་འཐེན་མཁན་དེ་རང་

ཉིད་ཡིན་ན་བསམ།

འོལ་ཚོད་དུ།

ལོ་དང་ཟླ་བར་བསགས་པའི་བདག་འཛིན་

གྱི་སྙིགས་རོ་དེ་དག།

རྒས་གཉེར་ཆགས་ཤིང་འཁར་བར་རྟེན་པའི།

རྙིང་ཞེན་གྱི་རྒན་པོ་མགོ་དཀར་ཞིག་ལ་དཔེ་

དྲངས་ཏེ།

རྩ་ཉོན་དྲུག་བཏང་སྙོམས་སུ་བསྒྱུར་ཅིང་།

སྲོག་གི་ཕོན་ཐག་ལ་སེར་སྣ་སྤུ་ཙམ་མེད་པར།

ས་ཆེན་གྱི་འཁྲིས་སུ་སྐར་ཆུང་གི་ལང་ཚོ་བྲིས།