ལྡོང་འཇིགས་སྲས། 2023-12-15
ཁ་བ་འབབ་ཐེངས་འདི་ལ།
ངས་རྒྱང་རིང་གི་ཕ་མ་དང་གཉེན་མི་ཧ་ཅང་དྲན།
ཞེན་ཆགས་ཀྱི་མཚོ་ཁར་འཁྱིལ་བའི་
བདག་སེམས་ཀྱི་མ་ཡུམ་ལྷག་ཏུ་དྲན།
ཁ་བ་འབབ་ཐེངས་འདི་ལ།
རི་བོ་དང་ནགས་ཚལ་མཐའ་དག།
གོས་དཀར་གྱི་ལྭ་བས་བཏུམས་ཤིང་།
འཇོ་སྒེག་གི་ངོ་གདོང་གཞན་ཞིག་ངོམ།
ཁ་བ་འབབ་ཐེངས་འདི་ལ།
ང་གཅིག་པུ་མཚན་མོའི་ཁ་གཏད་དུ་འགྲེང་།
ངས་ཉེ་གམ་ན་ཡོད་པའི་མི་འདི་དག།
རྨི་ལམ་གྱི་ཞིང་ལ་ཆས།
ཁ་བ་འབབ་ཐེངས་འདི་ལ།
ང་རྒྱལ་གྱི་གངས་རི་དཀར་པོ།
ཆ་ཤས་དང་དབྱེ་བ་མེད་པར།
མཐུག་པོར་ཆགས་བཞིན་པའི་ཁ་བ་འདིས་ཡོངས་
སུ་གཡོགས།
རྩོམ་གསར། 10