བསྟན་འཛིན་སྙན་གྲགས། 2022-11-02
ཆུ་བོ་ཇི་ལྟར་དྭངས་ན་མི་བསམ་ཁུ།།
དྭངས་ཀྱང་མི་རྙོག་ཟེར་བ་དཔེ་མེད་ཀི།།
རེད་དེ་ཡིད་ཀྱིས་བསྲུང་བའི་མཁའ་འགྲོ་མ།།
དོད་པའི་ཨ་ཡིག་ཐོད་ནས་མ་བསུབ་ལགས།།
ཟླ་བ་ཇི་ལྟར་དམའ་ན་མི་འདོད་ཀི།།
དམའ་ཡང་ལག་མཐིལ་ལོན་པ་ཆེ་དཔེ་ལགས།།
དེ་བས་རྙི་ལ་ཐོགས་པའི་རི་དྭགས་མིག།
ང་ཡིས་དབྱངས་རྟ་ལེན་པར་སྐྱོར་མ་མཛོད།།
ཨ་འཇམ་གོས་ཀྱི་རི་མོས་མ་བརྒྱན་ཀྱང་།།
སྤང་དུ་ཨུཏྤལ་འཛུམ་པའི་ཆ་ལུགས་སུ།།
ཚེས་རུ་འགྲམ་ལ་ལེན་པའི་ངང་ཤ་ཅན།།
ལས་ཀྱི་གཡང་མདུད་དམ་པོ་ཁྱོད་ཀྱིས་བརྒྱབ།།
བགྲང་བྱ་ཡ་ནས་ཉེ་བའི་ཟུང་འཇུག་བར།།
ཐོབ་པའི་མེ་ཏོག་ཆུན་པོ་སེམས་ལ་བྲིས།།
དོད་པའི་རི་མོ་རེ་ལ་འཇའ་ཡིས་སྐོར།།
འཇའ་ཡི་ལམ་ཕྲན་རེ་ནས་ངལ་བ་གསོས།།
མི་གཡོ་སྒྱུ་མའི་ཆོས་ཤིག་མི་དཔེ་ཞིང་།།
རྟག་པར་མཛེས་པ་ཅན་ཞིག་མི་སྲིད་དོ།།
ཁྱོད་ནི་གཡོ་བའི་ནང་གི་མི་གཡོ་བ།།
སེམས་པ་མི་གཡོ་བ་ཡི་གཟུངས་ཐོབ་ཅན།།
རྩོམ་གསར། 10