ཀྭ་ཡེ་ན་མཉམ་སློབ་གྲོགས་ཚོ།།

ཁ་རོག་རྒན་གྱི་ངག་ལ་ཉོན།།

ག་སྡུམ་གསལ་བྱེད་སུམ་ཅུ་སོགས།།

ང་ཚོར་མཁོ་བའི་ཤེས་བྱ་སྦྱོངས།།

ཅ་ཅོ་གཡོ་སྒྱུའི་གཏམ་ལ་གཡོལ།།

ཆ་ལུགས་ཀུན་དང་མཐུན་པ་བྱོས།།

ཇ་ཁང་ཆང་ཁང་གོམ་འདུར་སྤོངས།།

ཉ་མོ་ཆུ་བཞིན་སློབ་ལ་བརྩོན།།

ཏ་སྡེའི་གྲོང་ལ་སེམས་པ་གློན།

ཐ་གུ་རིང་མོས་བློ་ཕུགས་རྐྱོངས།།

ད་ནངས་ཞོགས་པའི་ལམ་ཕྲན་ལ།།

ན་རོ་དབྱངས་ཀྱི་རི་མོ་ཕྲིས།།

པ་ཊ་བཞིན་དུ་མ་འཁྱོག་ཅིག།།

ཕ་མའི་རེ་བ་སྙིང་ལ་ཆོངས།།

བ་གམ་ཁང་བརྩེགས་སྐྱིད་པོའི་ཚལ།།

མ་ཡུལ་སློབ་གྲྭའི་འོད་སྣང་ཡིན།།

ཙ་ཡ་སྔོན་གྱི་གྲལ་ལ་གཟིགས།།

ཚ་ཟེར་ཉི་མའི་ཉེ་བར་གློད།།

ཛ་དྲག་དེང་རབས་གསར་བའི་ཚོགས།།

ཝ་ལེར་སེམས་ཀྱི་རྟེན་དུ་རྩིགས།།

ཞྭ་གོས་ལྭ་བ་སྤུས་དག་གྱོན།།

ཟ་འཐུང་ལོངས་སྤྱོད་བདེ་ཐང་གཙོ།།

འ་ཅག་སློབ་མའི་དུས་སྐལ་ཡག།

ཡ་རབས་མི་ཚེའི་ལམ་ལ་བརྩོན།

ར་རོས་གོམ་པ་མི་འཁྱོར་བར།།

ལ་ལུང་གང་སར་ཐུགས་མ་དཀྲུག

ཤ་དར་གཞོན་པའི་སྣང་བ་ལ།།

ས་ཐོག་དབང་བའི་བློ་སྟོབས་ཆོངས།།

ཧ་ཅང་གསལ་བའི་ཀ་ཕྲེང་འདི།།

ཨ་རོགས་ཁྱེད་ཚོའི་ལས་བྱ་ཡིན།།

ཧ་གོ་བློ་ལ་སྐུལ་བའི་གླུ།།

ཨ་མདོའི་བུ་ཆུང་ནག་པོས་བྲིས།།