བོད་ཚྭ་ཁུ། 2024-03-27
སེམས་ཀྱི་འདབ་ལག་ན་འཁོར་བའི།།
སྙིང་ཆུང་དྲན་ཤིང་གི་ལྷ་ལྕམ།།
འགྲོ་འདུག་བར་མཚམས་ཀྱི་ཞོར་ནས།།
ཁྱེད་ཞལ་སེམས་ངོགས་ལ་སྦས་ཡོད།།
རིན་ཆེན་གསེར་མིག་གི་ཞོགས་ནས།།
ལྷ་ཤིང་ལྗོན་ཤིང་གི་བབ་ལ།།
མ་བྲིས་རང་བྱུང་གི་ཨ་ཡིག།
བརྩེ་བའི་ཁ་ལག་ལ་འཐིམས་སོང་།།
དད་པའི་ཨ་ལོང་གི་ཁ་རུ།།
མཆོད་པའི་ལྷ་རྫས་དེ་མིན་ཡང་།།
འདང་ཆེན་སྙིང་གཏམ་གྱི་ཁ་ཕུད།།
ཁྱེད་རང་མ་གཏོགས་ཤིག་མི་འདུག།
ལས་ཀྱི་ལྗོན་འདབ་ལ་འཁྲི་བའི།།
རུ་སྡེ་ཕྲ་ཚོམ་གྱི་ནང་སྙིང་།།
དྲན་པའི་སྒོ་ཆེན་ལ་འཇུ་བའི།།
དྲིལ་ཆུང་ཁྱེད་རང་ལས་མ་བྱུང་།།
རྩོམ་གསར། 10