སྙན་ངག་བྲི་ན་དམ་པའི་སྐྱེས་བུ་བྲིས། །

གཟུགས་སྐུ་རི་རྒྱལ་བཞིན་དུ་བརྟན་པ་བྲིས། །

ཞལ་གསུང་བདུད་རྩི་རྟག་ཏུ་འཇོ་བ་བྲིས། །

ཐུགས་བློ་རྒྱ་མཚོའི་འཇིངས་ལྟར་ཟབ་པ་བྲིས། །

སྙན་ངག་བྲི་ན་དྲིན་ཆེན་ཕ་མ་བྲིས། །

བྱམས་བརྩེ་ཉི་མའི་དཀྱིལ་འཁོར་ཡངས་པ་བྲིས། །

ཞལ་རས་སྤྲིན་པའི་རང་གཟུགས་འཛུམ་པ་བྲིས། །

ལྷག་བསམ་དུང་གི་ཟླ་བ་དཀར་པོ་བྲིས། །

སྙན་ངག་བྲི་ན་ཉི་མའི་འོད་ཟེར་བྲིས། །

འོད་ཟེར་ས་ལ་ལྷམ་ལྷམ་འབར་བ་བྲིས། །

མུན་པའི་ཡོལ་བ་ཕ་མཐར་བསྐྲད་པ་བྲིས། །

དྲི་བཞོན་འཁུར་བའི་མེ་ཏོག་བཞད་པ་བྲིས། །

སྙན་ངག་བྲི་ན་སྙན་ངག་སྨྲ་བ་བྲིས། །

བརྗོད་དོན་སྙིང་པོ་ཅན་ཞིག་བཙལ་བ་བྲིས། །

སོར་མོའི་རྩེ་ལ་སྨྱུ་གུ་ཐོགས་པ་བྲིས། །

ཐ་སྙད་ཚིག་གི་མེ་ཏོག་གཏོར་བ་བྲིས། །

སྙན་ངག་བྲི་ན་ཚིག་གི་གཏང་རག་བྲིས། །

མཆོད་པའི་ཚིག་གི་ཚན་ཁ་འབར་བ་བྲིས། །

ལྷག་པའི་ལྷ་ཡི་ཐུགས་དགོངས་དགྱེས་པ་བྲིས། །

བརྩེ་བའི་སྤྱན་གྱིས་བསྟུད་མར་གཟིགས་པ་བྲིས། །

སྙན་ངག་བྲི་ན་ཆོས་ཀྱི་སྙིང་པོ་བྲིས། །

གཞི་མེད་སྟོང་ཉིད་ཁོང་དུ་ཆུད་པ་བྲིས། །

བདག་འཛིན་བློ་ལ་བཟོ་བཅོས་བྱས་པ་བྲིས། །

འཁོར་བའི་ཆོས་ལ་སྡང་མིག་བགྲད་པ་བྲིས། །

སྙན་ངག་བྲི་ན་སེམས་པའི་ཕྱི་ནང་བྲིས། །

ཏིང་འཛིན་སེམས་ཀྱི་ཆོ་འཕྲུལ་མཛེས་པ་བྲིས། །

དོན་དམ་དབྱིངས་ཀྱི་གནས་ལུགས་རྟོགས་པ་བྲིས། །

འགྱུར་མེད་སེམས་ཀྱི་དམ་ཚིག་གཙང་མ་བྲིས། །

སྙན་ངག་འབྲི་ན་ཚོར་བའི་རབ་བྱེད་བྲིས། །

སེམས་ཉིད་རྟོག་པའི་དྲ་བར་ཚུད་པ་བྲིས། །

རྣམ་རྟོག་རླུང་གི་འདུ་འཛི་རྒོད་པ་བྲིས། །

སྣང་བའི་ཚིག་གི་དྲི་བསུང་འཐུལ་བ་བྲིས། །

སྙན་ངག་འབྲི་ན་སྐད་ཅིག་མ་ཉིད་བྲིས། །

མི་རྟག་དུས་ཀྱི་གློག་ཞགས་མྱུར་བ་བྲིས། །

འདུ་འབྲལ་ལས་ལ་སྙིང་པོ་མེད་པ་བྲིས། །

མི་འདོད་བཞིན་དུ་འདུ་འབྲལ་དགོས་པ་བྲིས། །