གནམ་སའི་སྒལ་བར་འཕགས་པའི་ཅོང་རྙིང་།

དུས་རབས་ཀྱི་རྨི་ལམ་དཀྲོགས་པའི་ཅོང་རྙིང་།

དེ་དུས་ཀྱི་ཞོགས་པ་ཤིན་ཏུ་འཁྱག་ནའང་།

ཁྱོད་ནི་ཇི་འདྲའི་གསོན་ཉམས་ལྡན་པ་ཞིག་རེད་ཨང་།

སྟོང་བསམ་གྱི་ནམ་མཁའ་ལག་པས་བཀབ་མ་མྱོང་

བའི་ཁྱོད་ནི།

ས་སྒང་གི་མཐོ་ས་ནས་དམའ་སར་བབས་པའི་རོལ་

དབྱངས་ངོ་མ་ཞིག།

མཚམས་སྤྲིན་གྱི་ཁ་དོག་རེ་རེའི་ངོས་སུ།

དབྱངས་གསལ་གྱི་སུག་རྗེས་ཕབ་དུས།

ཁྱོད་ནི་ཚོས་མདོག་ཁྲི་སྟོང་མནབས་པའི་ལྷ་རིས་པ་ཞིག།

ཡང་ན།

བརླ་རྐང་དཀར་པོ་ཡིས་བརྡུངས་པའི་སིང་སྒྲ་རྒྱུས་

ཡོད་ཅིག་སྟེ།

གནའ་དེང་གི་སྲུབས་ཀ་རུ་ཉར་བའི་ཅོང་རྙིང་ཆ་ཡོད་ཅིག།

གདུག་རྩུབ་ཀྱི་ཁ་རླངས་འཕྲེད་ཀྱིས་བཅད་པའི་ཅོང་རྙིང་།

རྟ་རྒོད་ཀྱི་རྔོག་རྩེ་སྡེབ་འདྲེས་བྱེད་པའི་ཅོང་རྙིང་།

ཁྱོད་ནི་དབྱངས་ཀྱི་རྒྱ་མཚོར་སྐྱོམ་པའི་སྒྲ་ཡི་ཁ་གནོན།

ཁྱོད་ནི་རླུང་རྟ་གྲོགས་སུ་དགུག་པའི་གཉེན་གྱི་

དཔུང་རོགས།

གནའ་བོའི་ཅོང་རྙིང་།

ངའི་རྨི་ལམ་གྱི་ཟབ་ས་ནས་སྔོག་པའི་གསེར་གྱི་རྒྱུད་སྐུད།

ངའི་ས་ཆེན་གྱི་ཐོང་ཀ་རུ་སྦྲུམ་པའི་ཁྲོ་ཡི་མེ་ལོང་།

གནའ་བོའི་ཅོང་རྙིང་།

ཡོད་ན་ཁྱོད་ཀྱིས་ཆོག་སྟེ་གནའ་སའི་བརྡ་རྟགས་ཡིན།

མེད་ན་གདུང་བ་ལྕི་སྟེ་མཆི་མའི་རི་ཀླུང་སྒུལ།

སྐྱོ་སྡུག་གི་ལྕགས་མཁར་རབ་ཏུ་བརྩིགས་ཀྱང་།

ཨ་ལོང་བཞིན་སྦྲེལ་བའི་ལྕགས་ཟྭ་རྒྱང་ལ་སྤུར།

གནའ་བོའི་ཅོང་རྙིང་།

དོ་ནུབ་ཁྱོད་ཀྱི་གསོན་སྐད་ཅིག་སྒྲོགས་དང་།