རུས་རྐང་དྭངས་མ། (ཡུལ་ཤུལ།) 2023-08-15
ནག་ནོག་གི་དྲི་མས་མ་གཡོགས།
ཐལ་མདོག་གི་རྡུལ་གྱིས་མ་བཅིངས་པའི་གཙང་པོ་དེ།
ལ་དང་ལུང་པ་བརྒལ་ནས་བཞུར་གྱིན་འདུག
རི་དང་གངས་རི་བརྒྱུད་ནས་འབབ་བཞིན་འདུག
བྲེལ་ཚུབ་ཀྱིས།
ཉིན་མཚན་དབྱེར་མེད་དུ་བཞུར།
རྒྱུན་མི་ཆད་པར་བཞུར།
སུ་ཞིག་གི་ཆེད་དུ། གང་ཞིག་གི་དོན་དུ།
ཙག་ཙིག་གི་གྲང་ངར་ལ་མི་འཛིན་པར།
དྲག་ཆར་གྱི་རླུང་འཚུབ་ལ་མི་ལྟ་བར།
ཆུ་ཕྲན་རེ་རེ་དང་། རྦ་རླབས་རེ་རེ་དང་མཉམ་དུ།
རྟག་ཏུ་བཞུར།
ནམ་ཞིག་ཁྱེད་བཞུར་མི་དགོས་པར་རྒྱ་མཚོ་ཞིག་ཏུ་ཐོན་ཚེ།
ངལ་ཞིག་གསོ་རོགས། གཙང་པོ་ལགས།
ནམ་ཞིག་ཁྱེད་འབབ་མི་དགོས་པར་རྫིང་བུ་ཞིག་ཏུ་སླེབས་ཚེ།
ངལ་ཞིག་གསོ་རོགས། གཙང་པོ་ལགས།
རྩོམ་གསར། 10