ཨེ་མ་སྔོན་གྱི་དགེ་ཆོས་བོད་མཁས་དང་། །

མི་ལ་མི་ཕམ་ལྔ་བ་ལ་སོགས་ཀྱིས། །

སྨྱུག་སོས་བརྩེ་དུང་རོལ་བའི་བུ་མོ་ནི། །

ལན་གཅིག་བདག་ལ་བག་

མར་ཅིས་མི་མཛེས།།

སྲོལ་རྒྱུན་སྙན་ངག་གསེར་གྱི་ཕོར་བ་རུ། །

བླུགས་པའི་བཅུད་ལྡན་

ཟུངས་ཇ་ལྟ་བུ་ཡང་།།

རང་མོས་ཤེལ་གྱི་ཕོར་བར་

བླུགས་པའི་ཆང་།།

ལྟ་བུར་བཞད་དེའི་རྗེས་སུ་རྐང་བ་འཇོག །

སྡེབ་སྦྱོར་གངས་ཀྱི་ཆུ་རྒྱུན་སྟོང་བ་རུ། །

སྙན་ངག་ཉ་མོས་འཁྱུག་

རྩལ་མི་ངོམ་པས། །

ཡང་དག་ཚིག་གི་ཉི་ཟེར་སྤྲོས་གྱུར་ན། །

ད་གཟོད་ཞུན་མའི་ཡོན་ཆབ་

འཁྱིལ་བར་འོས།།

ཉམས་ལྡན་དབྱངས་ཀྱི་རྟ་ཕོའི་

འགྲོས་བཟང་ལ།།

ཐ་སྙད་ཚིག་གི་ལྕག་ཚན་

བསྣན་དང་ལྷན། །

སྙན་གཞུང་ཐང་ཆེན་བརྒལ་

ལ་མི་ངལ་བས།།

རྟག་ཏུ་དེའི་ཕྱོགས་རྒྱུགས་

ཤིག་དེང་རབས་པ།།

སྙན་འགྲེལ་གངས་ཆབ་བསིལ་

མའི་རྒྱུན་བཟང་ལས།།

སྙན་འཇེབས་པད་ཚལ་སྐྱོང་ལ་

བྲེལ་འདིས་ཀྱང་།།

སྙན་ཚིག་བུང་བ་གཞོན་ནུའི་

རྩེ་དགའི་གླུ། །

སྙན་ངག་སྨྲ་བའི་ཐོས་འཛིན་

དཔལ་དུ་ཉིད།།

རྒྱན་མེད་གཅེར་བུར་ལུས་

པའི་ཤིང་སྐོམ་ལ།།

སྙན་པའི་ལོ་མས་ཡོངས་སུ་

མི་དཀྲིས་པས། །

ཚངས་སྲས་ངག་གི་དངོས་གྲུབ་

འཐོབ་འདོད་ན།།

སྲོལ་རྒྱུན་རྩོམ་པའི་ལས་ལ་

འཇུག་འདི་གལ།།

མིང་ཚིག་སྟོན་མཚན་རི་དྭགས་

རྒྱས་པའི་ངོགས།།

སྒྲ་དོན་ཀུན་དཱའི་ལང་ཚོ་དགོད་པ་ཡིས། །

ཉམས་འགྱུར་སྟོང་གི་འོད་

ཟེགས་བདོ་གྱུར་ན།།

སྙན་ངག་མཁན་པའི་དགའ་

སྟོན་ཅིས་ཀྱང་འོས།།

ངོ་མཚར་འབུམ་གྱིས་ཕྱུག་པའི་

ལུས་ཕྲ་མས།།

ངག་རིགས་བདག་མགྲིན་རྒྱན་

དུ་སྩོལ་བ་ལ།།

སྙན་དབྱངས་དད་པའི་

བསྟོད་ཚོཊ་ངོ་སོ་ཡིས།།

སྔོན་གྱི་དམ་པའི་ལེགས་རྩོམ་

མཐུན་པར་རྨེ།།

བརྗོད་བྱ་རྗོད་བྱེད་སྐྲ་དཀར་

རྒས་པོས་ནི།།

ལྕི་ཡང་ཙནྡན་ཕྲེང་བ་བགྲང་

བགྲངས་ནས།།

སྒྲ་དོན་གབ་ཚིག་བྱིན་

རླབས་ཐོབ་པ་ཡིས།།

འཆི་ཁའང་སྙན་ངག་ཞིང་ལ་

སྐྱེ་བར་ངེས།།

ཚིག་ཉོབ་མོད་པའི་ཡི་གེའི་

སྦྱིལ་མོ་དང་། །

དཔེ་དོན་བྲལ་བའི་ཆུ་ཡི་སུལ་

མོ་སོགས། །

ཞ་ཉེ་དངུལ་གྱི་མདངས་དང་ལྡན་པ་དག །

རེ་ཞིག་ཡོད་ཀྱང་དོན་གྱིས་

དབེན་པ་ཉིད།།