མདའ་ཅང་ཤེས། 2022-05-05
མི་ནུབ་མཁའ་རུ་བྲིས་པའི་སྤྲིན་དཀར་དང་།།
དྭངས་གསལ་ལོ་ཟླའི་རི་ཆུ་གཤེགས་པ་ན།།
སྙིང་དབུས་གདུང་སེམས་བསྐྱེད་པའི་
བས་མཐའ་རུ།།
དམ་ཚིག་ཆུ་དང་འདྲེས་པའི་སྐྱོ་གར་གྱིས།།
ཚིག་གི་རོལ་མོ་ཇི་སྲིད་དཀྲོལ་པའི་མུར།།
དེ་སྲིད་ལ་མོ་བརྒྱབ་ཀྱི་ཕ་རོལ་ཏུ།།
ཞེ་འདང་ཟླ་བ་ཚེས་པའི་བུ་མོ་ཞིག།
མིག་ཟུང་སྐར་ཆེན་དང་བཅས་རྨི་ལམ་གྱི།།
ལས་ཀྱི་ཁ་ཡིག་བཏེགས་པའི་འཇའ་ཚོན་ངང་།།
དུངས་སེམས་ཆར་དུ་སྤྲུལ་པ་བདེན་ལགས་ན།།
དར་ཅིག་ཞེ་ཡི་སྨྲེང་བའི་རྡུལ་དག་པའི།།
ཞལ་རས་འཛུམ་གྱིས་ཁེངས་བཞིན་
ཚུར་ཕེབས་སམ།།
ང་ཡི་གདུང་སེམས་འཁོར་བའི་མཐའ་ཟད་པའི།།
འཛུམ་ལ་འཛུམ་པའི་ལན་གྱི་འོད་ཡོད་ན།།
སྣང་བ་བརྩེ་བས་བཏབ་པའི་ཚིག་གི་དབྱངས།།
མ་གཡེལ་དུས་གསུམ་ཀུན་ཏུ་
ཁྱོད་བཤད་ཆོག།
མ་ཡེ་འཛོམས་པའི་བུ་མོ་དུངས་སེམས་ཅན།།
ལས་འཕྲོ་སྲིད་པའི་ཐིག་འདི་འཁྱོག་མེད་ན།།
ཚུར་རོལ་ལག་ཟུང་བསྣོལ་པའི་
ཐག་པ་འདི།།
གཏན་དུ་ཁྱེད་དང་སྦྲེལ་པའི་རྨི་ལམ་འཁོར།།
མཚན་མོར་མུན་པའི་ཁ་ཞེང་
གཅིག་ཏུ་མཆེད།།
ཞེ་རུ་ཁྱེད་རང་འཐོབ་པའི་ངང་སྒུག་ལྷག།
དྲན་གདུང་ཆུ་རུ་བཞུར་དགོས་མ་ཐུག་ཀྱང་།།
སྟོང་བསམ་ཡིད་ཀྱི་ཐིག་ལེ་ཁྱོད་ཕྱོགས་ཤོར།།
མིག་ཟུང་རི་དྭགས་བཞིན་
དུ་འདྲོགས་སོང་ངོ་།།
འཚབ་སྣང་སྤྲིན་ཕུང་བཞིན་དུ་
ལྡིང་སོང་ངོ་།།
ལོ་ངོ་སྟོང་ལ་སྒྲུབ་པའི་
སྙན་ངག་པའི།།
ངག་གི་མགྲིན་པ་ཁྱོད་ཀྱིས་འགག་པར་བྱས།།
གཤིས་ལ་འཇམ་པའི་ལྷོད་ལ་ཆུ་ལྟར་དྭངས།།
གདོང་ལ་མཛེས་པའི་མེ་ཏོག་
རབ་ཏུ་དགོད།།
ཨ་ལན་ཚིག་གི་རོལ་མོའི་སྙན་ཆ་དེ།།
བསྐལ་བར་ང་དང་འགྲོགས་
འདོད་ཆགས་པའི་སེམས།།
མ་ཐུབ་ཁྱེད་དང་གཤིབ་པའི་
ཉིན་དང་མཚན།།
དུངས་ཞེན་འཛུམ་གྱིས་འཁོར་
བའི་མིག་ཟུང་གིས།།
གཏན་གྱི་ལྷ་ལ་བཅོལ་པའི་ལས་སྐལ་འདི།།
མ་བཤད་ཚིག་ཏུ་བྲིས་ཀྱང་ཆོག་པ་ལ།།
རྩོམ་གསར། 10