གླུ་ཞིག་ལེན་འདོད་ཡོད་ཚེ་མགྲིན་པ་འགགས།།

ལས་ཀྱི་ཟམ་ཆེན་གས་པའི་ཤག་སྒྲ་ཐོར།།

ཕར་ལ་སོང་ཤུལ་བརྒྱ་ལས་ང་མེད་ཀྱང་།།

འཚོ་བའི་རྫི་ལུང་འདི་ཡིས་ནང་སྒོ་ཕྱེས།།

རྒྱབ་ནས་ཧ་ཅང་ན་བའི་མིག་ཆུ་དག།

གལ་ཏེ་མེ་དྲོད་ཅིག་ལས་ལྷོད་གྱུར་ན།།

བདག་འཛིན་དུ་མས་ཁེངས་པའི་གཤོག་བུ་ཚུམས།།

ཉིན་ལ་སྦྱར་བའི་སྙན་ངག་དྲོན་མོ་བཞིན།།

བདག་གི་ཁོག་ནས་ཉི་མར་ལྡེ་ཙམ་བྱེད།།

ང་ཡི་དོན་ལྔ་སྣོད་དྲུག་ཚ་ལམ་ལམ།།

སྲིད་པའི་གར་དུ་དམུལ་བའི་འདུན་པ་ཡང་།།

ངོ་ཁེབས་ཚ་བ་རྒྱས་པའི་ངང་ཚུལ་བཞིན།།

ད་དུང་སེམས་འདིས་ཕུགས་བསམ་རྙེད་ཐུབ་ངེས།།