ཀུན་མཁྱེན་གྲགས་པ། 2021-08-24
རྨི་ལམ་གྱི་རབ་ཁ་སྒུལ་མཁན།
ཉིན་འདི་འགར།
ཡང་ན། ལོ་འདི་འགར།
རྨི་ལམ་དང་གཉིད་ལམ་གྱི་བར་ཐག་ཤིན་ཏུ་རིང་།
སྐབས་སྐབས་སུ་གཉིད་འགྲོ་བ་ཡོད།
ཚོད་ཚོད་ལ་སད་ཡོང་བ་ཡང་འདུག།
ཏག་ཏག་རྨི་ལམ་གྱིས་བཟི་བ་ནི་བགྲང་ལས་འདས།
རྨི་ལམ་དེ་སྙིམ་པའི་མཐིལ་ནས་ཞི་འགྲོ
དངངས་སྐྲག་དེ་སྙིང་གི་གཏིང་ནས་སྐྱེས་འགྲོ།
རྨི་ལམ་ལ་མངོན་ཤེས་ཡོད།
རྨི་ལམ་ལ་བརྟག་བྱ་མེད།
སྐར་མ་གཅིག་རེ་གཉིས་རེ།
གསེར་རྐྱ་ཡུ་མོའི་རྐྱལ་གང་འཐུ་འདོད།
སྐར་མ་སྔས་འབོལ་ལ་བཅུག་ནས།
ཟླ་བ་ཉ་གང་ཚེས་རིས།
རང་གི་སྲུང་འཁོར་བྱེད་སྙམ།
རྨི་ལམ་ནི་གཅིག་རྗེས་གཉིས་མཐུད།
རྨི་ལམ་ནི་དཀར་སེར་དམར་ལྗང་།
མཚན་དང་སྐྱ་རེངས་ཀྱི་གོ་མཚམས་ན།
གཡེང་ཞིང་གཡོ། སྐྱོམ་ཞིང་འཇགས།
རྨི་ལམ་དེ་སུ་ཞིག་གི་ཞེན་ཆགས་ཡིན་ནམ།
གང་ཞིག་གི་ལས་འཕྲོ་ཡིན།
ཡང་ཅི་ཞིག་གི་སྔོན་འགྲོ་ཡིན།
རྨི་ལམ་གྱི་ཕྱི་ཤུན་རབ་ཏུ་མཐུག།
རྨི་ལམ་གྱི་རབ་ཁ་ན།
འགྲོ་དྲུག་གི་འདུ་འགོད་ཅིས་ཀྱང་རྒོད།
རྨི་ལམ་གྱི་རབ་ཁ་སྒུལ་མཁན།
སུ་དང་གང་ཡང་མ་ཡིན།
རྨི་ལམ་གྱི་རབ་ཁ་སྒུལ་མཁན།
འདྲེ་མོ་ཞིག་མིན་ནམ།
རྨི་ལམ་གྱི་རབ་ཁ་སྒུལ་མཁན།
འདྲེ་མོ་ཞིག་ཡིན།
རྩོམ་གསར། 10