ང་རང་ལོ་གྲངས་ཉི་ཤུ་ལས་བརྒལ་བའི་རི་རྐེད་ཅིག་ཏུ་ཡོད།

ལྟག་རྒྱབ་ཏུ་ཁ་ཕྱིར་འཁོར་ནས་ལྟ་ཚེ།

འདས་པ་མང་པོ་ཞིག་ང་རང་གི་རྒྱབ་ཏུ་འཚང་།

འཚང་གིན་པའི་ཁྲོད་ཡིད་དུ་འོང་བའི་བྱིས་པ་ཞིག་འདུག།

ལོ་ལྔ་ལས་ཡན་མེད་པའི་བྱིས་པ་དེ།

ང་རང་གི་ཆེས་ཐོག་མའི་བྱིས་དུས་ཀྱི་ལང་ཚོ་ཡིན་ནམ།

ཡང་ན། ང་རང་བྱིས་པ་ཞིག་ལ་འཁྲུལ་སོང་བས་ཡིན།

ད་དུང་ང་རང་ལྟག་རྒྱབ་ཏུ་ཁ་ཕྱིར་འཁོར་ནས་བལྟས་ན།

སྣེ་མོ་ང་ལ་ཟུག་ཡོད་པའི་གཞུང་ལམ་ཞིག་མཐོང་ཐུབ།

ང་རང་གཞུང་ལམ་དེ་བརྒྱུད་ནས་ཡོང་བ་འདྲ།

རྐང་རྗེས་དྲི་མ་ཙམ་ཞིག་མེད་པའི་གཞུང་ལམ་དེ།

ད་ལྟ་དྲན་པ་རབ་རིབ་ངོགས་ནས་ཕྱིར་དྲན་བགྱི་བ་འདི།

ཇི་འདྲའི་ཡིད་དུ་འོང་བ་ཞིག་མ་རེད་ཨང་།

བྱིས་དུས་ཀྱི་མཚན་མོ་མང་པོ་ལ།

ངས་རྨི་ལམ་གྱི་འཇིག་རྟེན་བདག་ཏུ་བཟུང་ནས།

ཡོད་ཚད་ལ་འཁྲུལ་སྣང་གི་ཞགས་པ་བཏབ་མྱོང་།