ང་ལ་མེ་ཏོག་མི་དགོས་ཨཱ།

ཁྱོད་གཟའ་ཉི་མའི་སྐབས་གྲོང་ཁྱེར་དུ་འགྲོ་དུས།

ལམ་ཟུར་གྱི་ཚོང་ཁང་ཆེན་པོ་དེའི་ནང་དུ།

མེ་ཏོག་གིས་བསླས་པའི་ཞྭ་མོ་ཡོད་རྒྱུ་དེ་ཉོ་མ་ཡོང་ཨཱ།

དབྱར་ཁ་ཚེས་དུས་ང་འབོད་མ་ཡོང་ཨཱ།

མེ་ཏོག་གི་དྲི་བསུང་ཐུལ་དུས་ང་མི་དགའ་ཁི།

ངས་ཁྱིམ་དུ་དཔེ་ཀློག་བྱེད་པ་ལས་སྒོ་རུ་འགྲོ་མི་བསམ་ཀི

ངས་དབྱར་གྱི་ལང་ཚོ་སྙན་ངག་གིས་མྱོང་ཆོག

སྒེའུ་ཁུང་གི་ཤེལ་ངོས་སུ་མཚན་མོར་འབྱར་ཡོང་བའི་ཕྱེ་ལེབ་དེ།

མེ་ཏོག་གི་གཏམ་རྒྱུད་ཅིག་ཁྱེར་ནས་ལབ་དྲན་ནམ།

ཡང་ན། ངས་བསམ་པ་དེ་ནོར་བ་ཨེ་རེད།

ངའི་སྒོ་འགྲམ་དུ་རྟག་པར་ཡོང་དོན་ཧ་མི་གོ་ཨང་།

ཅོག་སྒྲོན་གྱི་ཁ་ཚར་ལ་ཞེན་པའི་ཡིག་འབྲུ་དེ་ནི།

མེ་ཏོག་ཅེས་པའི་ཡིག་འབྲུ་གཉིས་ཡིན་དོན་ཅི་ཞིག་ཡིན་ནམ།

ང་ལ་མེ་ཏོག་མི་དགོས་ཟེར་ན་ཡང་། ད་དུང་།

ཚང་མས་མེ་ཏོག་གི་ལོ་རྒྱུས་འཆད་གྲབས་ཡིན་དོན་ཅི།