2021ལོའི“རིག་གནས་དང་རང་བྱུང་ཤུལ་བཞག་ཉིན་མོའི”བོད་ཀྱི་གཟུགས་མེད་་རིག་གནས་ཤུལ་བཞག་འགྲེམས་སྟོན་བྱེད་སྒོ་རབ་དང་རིམ་པ་སྤེལ་བའི་མཛད་སྒོ་དེ་བོད་རང་སྐྱོང་ལྗོངས་མང་ཚོགས་སྒྱུ་རྩལ་ཁང་དུ་སྤེལ་བ་རེད། པར་རིས་འདི་ཚོ་ནི་སྤྱི་ཟླ6ཚེས12ཉིན་བོད་ལྗོངས་ལྷ་ས་གྲོང་ཁྱེར་གྱི་རང་སྐྱོང་ལྗོངས་མང་ཚོགས་སྒྱུ་རྩལ་ཁང་དུ་འཁྲབ་སྟོན་པས་བོད་ཀྱི་ལྷ་མོ་ཟློས་གར《བཀྲ་ཤིས་པའི་གླུ་དབྱངས》ཞེས་པ་འཁྲབ་སྟོན་བྱེད་པའི་ཚུལ་རེད།

    ས་གནས་ཀྱི་ཟློས་གར་ནི་རང་རྒྱལ་གྱི་སྲོལ་རྒྱུན་རིག་གནས་ཀྱི་གལ་ཆེའི་གྲུབ་ཆ་ཞིག་ཡིན་ཞིང་།དེར་ལོ་རྒྱུས་ཡུན་རིང་ལྡན་པ་དང་ཐུན་མོང་མ་ཡིན་པའི་སྒྱུ་རྩལ་གྱི་ཡིད་དབང་འཕྲོག་ཤུགས་ཆེ་བ།ཕུན་སུམ་ཚོགས་པའི་རིག་གནས་ཀྱི་ནང་དོན་བཅས་ཡོད་པས་སྲོལ་རྒྱུན་རིག་གནས་མཚོན་པ་དང་རྒྱུན་འཛིན་བྱེད་པའི་འདྲེན་རྟེན་གལ་ཆེན་ཞིག་ཡིན་པ་རེད།

     ལོ་ངོ་སྟོང་ཕྲག་མང་པོའི་རིང་ལ།མི་དམངས་མང་ཚོགས་ཀྱི་བསམ་པའི་རིག་གནས་ཀྱི་དགོས་མཁོ་སྐོང་ཆེད།ཚབ་བྱེད་ཐབས་བྲལ་བའི་གལ་ཆེའི་ནུས་པ་འདོན་སྤེལ་བྱས་ཡོད།ངོ་སྤྲོད་བྱེད་པར་གཞིགས་ན།བོད་ལྗོངས་ཀྱི་ས་གནས་ཟློས་གར་གཙོ་བོ་ནི་ལྷ་མོ་ཟློས་གར་ཡིན་པ་དང་།དེའི་ནང་འབག་དཀར་ལྷ་མོ་དང་།འབག་སྔོན་ལྷ་མོ་ཚུད་ཡོད་པར་མ་ཟད།ད་དུང་ལྷ་མོའི་རྒྱུན་འཛིན་གྱི་ས་ཁོངས་དབང་གིས་འཁྲབ་སྟོན་གྱི་ཉམས་འགྱུར་ཐད་མི་འདྲ་བའི་ཁྱད་པར་ཡོད་པ།ལྷ་མོའི་སྒྱུ་རྩལ་ནི་བོད་དུ་ལོ་ངོ་ཆིག་སྟོང་ཙམ་རྒྱུན་འཛིན་བྱས་པའི་ལོ་རྒྱུས་ཡོད་པ་དང་།བོད་ཀྱི་རིག་གནས་འཕེལ་རྒྱས་ཀྱི་ཞབས་རྗེས་བཞག་པའི་དུས་མཚུངས་སུ།ད་བར་བོད་ཀྱི་དམངས་ཁྲོད་དུ་རྒྱུན་འཛིན་བྱས་ཡོད་པས་བོད་ཀྱི་དམངས་ཁྲོད་རིག་གནས་ཀྱི་མཚོན་ཚུལ་ཆེས་ཆེར་ལྡན་པའི་སྒྱུ་རྩལ་གྱི་རིགས་ཤིག་ཡིན་པ་དང་།བོད་ཀྱི་དམངས་ཁྲོད་རིག་གནས་ཀྱི་དཔེ་མཚོན་རང་བཞིན་ལྡན་ཤོས་ཤིག་ཡིན་པ་རེད།ལྷ་མོ་ཟློས་གར་ནི2009ལོར་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་ཀྱིས་སྒྲིག་འཛུགས་བྱས་པའི་མིའི་རིགས་ཀྱི་ཁ་རྒྱུན་དང་གཟུགས་མེད་རིག་གནས་ཤུལ་བཞག་གི་ཚབ་མཚོན་མིང་བྱང་ནང་བཞག་སྟེ་འཛམ་བུ་གླིང་གིས་དོ་སྣང་བྱས་དང་བྱེད་བཞིན་ཡོད་པ་རེད།