ལི་ཐང་གི་རྟ་རྒྱུག་རིག་གནས་ནི་འཛམ་གླིང་དུ་སྐད་གྲགས་ཆོད་ཅིང་། ཁྱད་མཚར་བའི་རྟ་རྩལ་སྣ་ཚོགས་དང་། ཐུན་མོང་མ་ཡིན་པའི་ལྟད་མོའི་རང་བཞིན་དང་རྩལ་འགྲན་རང་བཞིན་གྱི་ཁྱད་ཆོས་ལྡན་པས། ཁྱད་མཚར་ཕུལ་དུ་བྱུང་བའི་མཚོན་རྟགས་རང་བཞིན་གྱི་མིང་བྱང་ཞིག་ཏུ་གྱུར་པ་རེད། 

   ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ100འཁོར་བར་རྟེན་འབྲེལ་ཞུ་ཕྱིར་དང་། དེ་བཞིན་ལུས་རྩལ་དང་ཡུལ་སྐོར་ཟུང་དུ་འབྲེལ་བའི་འཕེལ་རྒྱས་ཀྱི་འཐབ་ཇུས་སྔར་བས་གཏིང་ཟབ་ཏུ་གཏོང་བ། རྟ་རྒྱུག་ལུས་རྩལ་ཁྱབ་གདལ་དང་འཕེལ་རྒྱས་ཡོང་བར་སྐུལ་འདེད་གཏོང་བ། རྟ་རྩལ་བྱེད་སྒོའི་སྤུས་ཚད་ཀྱི་ནང་དོན་མཐོ་རུ་གཏོང་བ། རྟ་རྒྱུག་འགྲན་བསྡུར་བྱེད་སྒོ་ཚོང་ལས་ཅན་དུ་འགྱུར་ཚད་ཆེ་རུ་གཏོང་བ། ལི་ཐང་རྫོང་རྟ་རྒྱུག་མཐུན་ཚོགས་ཀྱི་ལུས་རྩལ་སྤུས་རྟགས་ཇེ་ཡག་ཏུ་གཏོང་བ་དང་། ལི་ཐང་རྫོང་གི་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་ཡུལ་སྐོར་ཐོན་ལས་འཕེལ་རྒྱས་ལ་སྐུལ་ཁྲིད་ཧུར་ཐག་བཅས་ཡོང་བའི་ཆེད་དུ། ལི་ཐང་རྫོང་གིས2021ལོའི་རྟ་རྒྱུག་འགྲན་བསྡུར་ལ་གྲ་སྒྲིག་ཡག་པོ་བྱེད་བཞིན་ཡོད་པ་སྟེ། ཟླ6པའི་ཚེས20ཉིན་ནས་ཚེས22ཉིན་བར“ཀྲུང་གོའི་བོད་རིགས་རྟ་རྒྱུག་རིག་གནས་ཀྱི་ཕ་ས·ལི་ཐང་།”ཞེས་པའི་ཀྲུང་ཧྭ་མི་རིགས་ཀྱི་རྟ་རྒྱུག་འགྲན་བསྡུར་ཆེན་མོ2021ལོའི་ཟླ6པའི་རྟ་རྒྱུག་འགྲན་ཚོགས་དེ་གཉེར་རྒྱུ་ཡིན་པ་རེད། 

ནང་དོན་ཞིབ་ཕྲ་གཤམ་ལ་གཟིགས་རོགས། ↓