སྤྱི་ཟླ6པའི་ཚེས1ཉིན་གྱི་སྔ་དྲོར། དཀར་མཛེས་རྫོང་རོང་པ་ཚ་ཡུག་ཕྱོགས་ཀྱི་སློབ་ཆུང་ཁག་གི་དགེ་སློབ་དང་ཁྱིམ་བདག་ཡོངས་ཀྱིས་ལོ་གཅིག་ཐེངས་གཅིག་གི་རྒྱལ་སྤྱིའི་དྲུག་གཅིག་བྱིས་པའི་དུས་ཆེན་དང་ཀྲུང་གོ་གུང་ཁྲན་ཏང་དབུ་བརྙེས་ནས་ལོ100འཁོར་བར་དགའ་བསུའི་རྟེན་འབྲེལ་གྱི་བྱེད་སྒོ་སྤེལ་བ་རེད།

    སློབ་མ་རྣམས་ཀྱིས་སྲོལ་རྒྱུན་གྱི་བོད་བྲོ་འཁྲབ་པ་དང་བོད་གཞས་ལེན་པ། དེང་རབས་ཞབས་བྲོ་འཁྲབ་པ་དང་དེང་རབས་གླུ་གཞས་ལེན་པ། སྙན་ངག་གྱེན་འདོན་བྱེད་པ་སོགས་རྣམ་པ་སྣ་ཚོགས་ཀྱི་རིག་རྩལ་བྱེད་སྒོ་སྤེལ་ནས་བྱིས་པའི་དུས་ཆེན་དང་རླབས་ཆེན་གྱི་ཀྲུང་གོ་གོང་ཁྲན་ཏང་དབུ་བརྙེས་ནས་ལོ100འཁོར་བར་དགའ་སྟོན་རྟེན་འབྲེལ་ཞུས་པ་རེད།

   བྱེད་སྒོའི་ཁྲོད་དུ་སློབ་མ་ཚོའི་དེ་རིང་གི་གྲུབ་འབྲས་འདི་དག་ནི་དྲིན་ཅན་དགེ་རྒན་རྣམས་ཀྱི་ཉིན་མཚན་དབྱེར་མེད་ཀྱི་སློབ་གསོ་བཟང་པོ་དང་། ཁྱིམ་བདག་ཚོའི་བཀའ་བཀོད་བདག་སྐྱོང་། སྤྱི་ཚོགས་ཡོངས་ཀྱི་ཐུགས་ཁུར་རྒྱབ་སྐྱོར། དེ་བཞིན་ཏང་དང་རྒྱལ་ཁབ་ཀྱི་ཉི་འོད་ལྟ་བུའི་མི་རིགས་སློབ་གསོའི་སྲིད་ཇུས་ཀྱི་བཀའ་དྲིན་དང་ཐུགས་རྗེ་ཡིན་ཞེས་བསྔགས་བརྗོད་ཀྱི་མེ་ཏོག་དགུང་ལ་འཐོར་ཞིང་དྲིན་ཚོར་གྱི་གླུ་དབྱངས་མཁའ་མཐར་ཁྱབ་པ་རེད།།