མི་དང་ཁོར་ཡུག

འཕགས་ཆེན། 2016-11-14

ཁོར་ཡུག་ཇི་ལྟར་བཟང་ན་མིའི་སེམས་ལ་བདེ་སྐྱིད་ཅེས་པ་ངང་ངམ་ཤུགས་ཀྱིས་བྱུང་ཞིང་། ཁོར་ཡུག་གིས་བྱིན་པའི་སྤྲོ་སྣང་ནི་གཡའ་དག་པའི་ནམ་མཁའ་དང་མཚུངས་པ་ཨང་། ངལ་རྩོལ་ཆེ་ཕྲ་གང་ཡིན་ཡང་མཐར་གཏུགས་ན་བདེ་སྐྱིད་ཀྱི་ཆེད་དུ་ཡིན་པ་བསྙོན་དུ་མེད་མོད། བདེ་སྐྱིད་ལ་ཁ་གཏད་དེ་མི་རྣམས་ཀྱི་འདོད་བྱ་ནི་ཁམས་དབང་མོས་པ་བསམ་པའི་བྲག་གོ། མིས་ཁོར་ཡུག་ལ་སེམས་གླན་པའི་ཚེ་ཉམས་དགའ་ཞིང་། མཛེས་པ་ཕུན་སུམ་ཚོགས་པ་དག་ལ་འཕྲེང་བ་ལས་གཅོང་རོང་དང་མྱ་ངམ་ཐང་། གད་ཤུལ་དང་སྙིགས་རོའི་གནས། མི་གཙང་རྫས་ཀྱི་གོས་པའི་གནས་ངན་དག་ལ་ཅི་སྟེ་ཡིན། ཁོར་ཡུག་ལེགས་པོ་ཞིག་ཏུ་གྲུབ་མིན་ནི་མིའི་རང་བྱུང་ཁམས་ལ་བཅངས་པའི་བརྩེ་སེམས་རྣལ་མ་དང་། བདག་སྐྱོང་ལེགས་པོ་བྱེད་མིན་ལ་རག་ལག་པས་རང་དང་མི་རྣམས་བདེ་འདོད་ཀྱི་གྲུ་གཟིངས་ཀྱིས་དྭངས་གཙང་གི་རྒྱ་མཚོ་ཆེན་མོར་ཐོལ་གྱིས་འཇུག་ཐུབ། དེའི་ཕྱིར་དེ་ལ་དེ་བརྟེན་གྱི་ཁོར་ཡུག་གཙང་མ་དང་མི་སེམས་སྐྱིད་པོ་ནི་རེ་བ་ཉག་གཅིག་གོ།

མི་དང་ཁོར་ཡུག

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10