སྤྱི་ཟླ10པའི་ཚེས9ཉིན་གྱི་སྔ་དྲོར་དཀར་མཛེས་ཁུལ་གྱིས་སྐྱེ་བོ་ལོ་ན་མ་སོན་པར་གནོད་པའི་ཁྲིམས་འགལ་ཉེས་གསོག་ལ་དོགས་ཟོན་དང་རྡུང་རྡེག་གཏོང་བ་དང་སློབ་གྲྭའི་མཐའ་འཁོར་གྱི་ཕྱོགས་བསྡུས་བཅོས་སྒྲིག་གི་ཆེད་དོན་བྱ་སྤྱོད་བཀོད་སྒྲིག་ཚོགས་འདུ་དར་མདོར་འཚོགས་པ་རེད། ཚོགས་འདུར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྐྱེ་བོ་ལོ་ན་མ་སོན་པའི་སྲུང་སྐྱོང་ལས་དོན་སྐོར་གྱི་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་མཐར་ཕྱིན་བྱས་ཏེ་ཞིང་ཆེན་ཡོངས་ཀྱིས་སྐྱེ་བོ་ལོ་ན་མ་སོན་པར་གནོད་པའི་ཁྲིམས་འགལ་ཉེས་གསོག་ལ་རྡུང་རྡེག་གཏོང་བ་དང་བཅོས་སྒྲིག་བྱེད་པའི་ཆེད་དོན་བྱ་སྤྱོད་བཀོད་སྒྲིག་ཚོགས་འདུའི་སྙིང་དོན་བརྒྱུད་བསྒྲགས་བྱས་པ་དང་། ཁུལ་ཡོངས་ཀྱི་སློབ་གྲྭ་དང་དེ་བཞིན་དེའི་མཐའ་འཁོར་གྱི་ཕྱོགས་བསྡུས་བཅོས་སྒྲིག་ལས་དོན་སྤེལ་ཚུལ་བརྡ་ཁྱབ་བཏང་། ཁུལ་ཡོངས་ཀྱི་སྐྱེ་བོ་ལོ་ན་མ་སོན་པར་གནོད་པའི་ཁྲིམས་འགལ་ཉེས་གསོག་ལ་དོགས་ཟོན་དང་རྡུང་རྡེག་གཏོང་བ་དང་སློབ་གྲྭའི་མཐའ་འཁོར་གྱི་ཕྱོགས་བསྡུས་བཅོས་སྒྲིག་གི་ཆེད་དོན་བྱ་སྤྱོད་ཀྱི་འབྲེལ་ཡོད་ལས་དོན་བཀོད་སྒྲིག་བྱས་པ་རེད། ཁུལ་ཨུའི་ཧྲུའུ་ཅི་གཞོན་པ། ཁུལ་སྲིད་ཁྲིམས་ཨུ་ལྷན་གྱི་ཧྲུའུ་ཅི་ཀྲང་ཐུང་རུང་གིས་ཚོགས་འདུ་གཙོ་སྐྱོང་གནང་བ་དང་འབྲེལ་གསུང་བཤད་ཀྱང་གནང་བ་རེད།

ཚོགས་འདུར་ནན་གསུང་གནང་དོན། རྡུང་རྡེག་དང་བཅོས་སྒྲིག། སྲུང་སྐྱོབ། ཁྲིད་སྟོན། དྲིལ་བསྒྲགས་བཅས་ལས་ཀའི་གཙོ་གནད་བར་ཚིགས་ལྔ་མངོན་གསལ་དོད་པོ་ཡོང་བ་བྱས་ནས་ཆེད་དོན་བྱ་སྤྱོད་ལ་སྐུལ་འདེད་ཤུགས་ཆེན་གཏང་དགོས། ཁྲིམས་ལྟར་ཆད་པ་ནན་པོ་གཅོད་པ་རྒྱུན་འཁྱོངས་ནས་སྐྱེ་བོ་ལོ་ན་མ་སོན་པར་གནོད་འཚེ་བཟོ་བའི་ཉེས་གསོག་ལ་རྡུང་རྡེག་མཐའ་གཅིག་ཏུ་གཏོང་ཞིང་། འབྱུང་རྩ་ནས་དོགས་ཟོན་བྱ་རྒྱུ་རྒྱུན་འཁྱོངས་ནས་སློབ་གྲྭ་དང་ཉེ་འཁོར་གྱི་ཕྱོགས་བསྡུས་བཅོས་སྒྲིག་ལས་དོན་མཉམ་འབྲེལ་ཐོག་སྤེལ་དགོས་པ་དང་། གནད་སྨིན་ཇུས་འདོན་རྒྱུན་འཁྱོངས་ནས་སྐྱེ་བོ་ལོ་ན་མ་སོན་པའི་གཅེས་སྐྱོང་རོགས་སྐྱོབ་ལ་ཁྱོན་ཡོངས་ནས་ཤུགས་བརྒྱག་དགོས། ཕྱོགས་མང་པོའི་མཉམ་ཤུགས་རྒྱུན་འཁྱོངས་ནས་སྐྱེ་བོ་ལོ་ན་མ་སོན་པར་སྲུང་སྐྱོང་བྱེད་པའི་སྤྱི་ཚོགས་ཀྱི་ཁོར་ཡུག་ཅིག་བསྐྲུན་དགོས། ཁྲིམས་འགལ་ཉེས་གསོག་ཁག་གཅིག་ལ་ཁྲིམས་ལྟར་ཆད་པ་ནན་པོ་གཅོད་པ་དང་མངོན་གསལ་དོད་པའི་གནད་དོན་ཁག་གཅིག་བཅོས་སྒྲིག་བྱེད་ཅིང་། གཅེས་སྐྱོང་དང་སྲུང་སྐྱོང་གི་ལམ་སྲོལ་རབ་དང་རིམ་པ་ཚད་ལྡན་བཟོས་ནས་སློབ་གྲྭའི་དཔེ་ཁྲིད་མི་སྐྱོང་དང་སྐྱེ་བོ་ལོ་ན་མ་སོན་པ་བདེ་ཐང་ངང་འཚར་ལོངས་ཡོང་ཆེད་དེ་བས་བདེ་འཇགས་དང་བརྟན་བརླིང་། དྭངས་གཙང་གི་སྤྱི་ཚོགས་ཁོར་ཡུག་ཅིག་བསྐྲུན་དགོས་།།