གཅིག   ཧྲང་ཧེ་འཛམ་གླིང་དངོས་མང་སྟོན་ཚོགས་འཚོགས་ནས་ལེགས་འགྲུབ་ཡོང་ཡོད།
ཀྲུང་གོའི་2010ལོའི་ཧྲང་ཧེ་འཛམ་གླིང་དངོས་མང་སྟོན་ཚོགས་ནི་ཐེངས་དང་པོར་འཕེལ་རྒྱས་འགྲོ་བཞིན་པའི་རྒྱལ་ཁབ་ཏུ་བཙུགས་པའི་དེབ་འགོད་རིགས་ཀྱི་འཛམ་གླིང་དངོས་མང་སྟོན་ཚོ
གས་ཤིག་ཡིན་ལ།   ལྟད་མོ་བའི་མིའི་ཐེངས་གྲངས་ཁྲི7308དུ་བསླེབས་པས་ལོ་རྒྱུས་ཐོག་ཏུ་ཟིན་ཐོ་གསར་པ་ཞིག་བཀོད་པ་དང་།  ཉིན184ནང་རྒྱལ་ཁབ་དང་རྒྱལ་སྤྱིའི་རྩ་འཛུགས246གི་བཤམས་སྟོན་བདག་པོ་ཚོས་མིའི་རིགས་ཀྱི་ཡ་རབས་འཆམ་མཐུན་མཉམ་གནས་ཀྱི་རོལ་དབྱངས་གསར་པ་ཞིག་བྲིས་པ་རེད།
གཉིས།   ནང་ཁུལ་དང་ཐའེ་ཝན་བར་དཔལ་འབྱོར་མཉམ་ལས་ཀྱི་ཕྱི་སྒྲོམ་གྲོས་མཐུན་ཡིག་ཆ་འགོད་ཡོད།
གྲོས་མཐུན་ཡིག་ཆ་འགོད་པ་དེས་ངོགས་གཉིས་ཀྱི་དཔལ་འབྱོར་འབྲེལ་བ་རྒྱུན་ལྡན་ཅན་གྱི་འཕེལ་རིམ་ལ་སྐུལ་སྤེལ་གཏོང་བ་དང་།   དཔལ་འབྱོར་འབྲེལ་འདྲེས་རང་དབང་ཅན་གྱི་དམིགས་ཡུལ་ཁ་གསལ་གཏོང་བ།   དཔལ་འབྱོར་མཉམ་ལས་ལམ་ལུགས་ཅན་གྱི་སྟེགས་བུ་འཛུགས་པ་བཅས་ལ་ཕན་ནུས་ཆེན་པོ་ཐོན་ཡོད།
གསུམ།   དུས་ཡུན་འབྲིང་རིང་གི་སློབ་གསོའི་འཆར་འགོད་རྩ་གནད་ལག་བསྟར་གཏོང་ཡོད།
རྩ་གནད་ནང་དུ་དམིགས་སུ་བཀར་ནས་སྔོན་དུ་སྤེལ་དགོས་པ་དང་།    མི་སྐྱེད་སྲིང་བྱེད་པར་རྩ་བ་འཛིན་པ།   བཅོས་བསྒྱུར་གསར་བསྐྲུན་བྱེད་པ།   ཕྱོགས་རིས་མེད་པར་སྐུལ་སྤེལ་གཏོང་བ།   སྤུས་ཚད་ཇེ་མཐོར་གཏོང་བ་བཅས་ཀྱི་ལས་དོན་བྱེད་ཕྱོགས་ཁ་གསལ་པོ་བཀོད་ཡོད།   མ་འོངས་པའི་ལོ་ངོ10ཡི་ནང་སློབ་གསོ་བཅོས་བསྒྱུར་དང་འཕེལ་རྒྱས་ཀྱི་འཐབ་ཇུས་དམིགས་ཡུལ་བཏོན་པ་འདི་ལྟར་ཏེ།   2020ལོར་སླེབས་ཚེ།   གཞི་རྩའི་ཐོག་སློབ་གསོ་དེང་རབས་ཅན་དུ་མངོན་འགྱུར་ཡོང་བ་དང་།  གཞི་རྩའི་ཐོག་ནས་སློབ་སྦྱོང་ཅན་གྱི་སྤྱི་ཚོགས་ཆགས་སུ་བཅུག་སྟེ་མི་ཤུགས་ཐོན་ཁུངས་ཀྱི་སྟོབས་ལྡན་རྒྱལ་ཁབ་གྲལ་དུ་ཞུགས་དགོས།
བཞི།   དཔལ་འབྱོར་དམིགས་བསལ་ས་ཁུལ་བཙུགས་ནས་ལོ་ངོ30འཁོར་བར་དགའ་སྟོན་གཟབ་རྒྱས་སྤེལ།