ཞིང་ཆེན་ཡོངས་ཀྱི་ས་ཁུལ་སོ་སོར་ཁངས་བབས་པ་དང་ཟི་ལིང་ས་ཁུལ་ལའང་ཚེས་དགུ་ཉིན་གྱི་ཕྱི་དྲོ་ནས་བཟུང་ཁངས་འབབ་རྒྱུ་ཡིན་པ།

ཤ་བོ་སྐྱབས།    མཚོ་སྔོན་བོད་སྐད་རླུང་འཕྲིན།    2011-01-10

མཚོ་སྔོན་ཞིང་ཆེན་གནམ་གཤིས་རྟོག་དཔྱོད་ཁང་གིས་བསྒྲགས་པའི་གནམ་གཤིས་གནས་ཚུལ་ལྟར་ན། ཟླ་དང་པོའི་ཚེས་དགུ་ཉིན་ནས་ཚེས་བཅུ་ཉིན་བར་དུ། ཞིང་ཆེན་ཡོངས་ཀྱི་ས་ཁུལ་སོ་སོར་ཁངས་འབབས་རྒྱུ་ཡིན་པ་དང་། དེའི་ནང་དུ་གཙོ་བོ་མཚོ་སྔོན་གྱི་མཚོ་བྱང་དང་མཚོ་ནུབ། ཟི་ལིང་བཅས་ལ་ཁངས་བབས་ཚད་ཅུང་མངོན་གསལ་ཡིན་ལ། ཟླ་དང་པོའི་ཚེས་བརྒྱད་ཉིན་ཟི་ལིང་གྲོང་ཁྱེར་གྱི་ཆེས་མཐོ་བའི་དྲོད་གྲངས་གོར་ཐིག་མན་གྱི་བདུན་ནས་བརྒྱད་བར་ཡིན་པ་དང་། ཆེས་དམའ་བའི་དྲོད་གྲངས་གོར་ཐིག་མན་གྱི་ལྔ་དང་གྲངས་ཆུང་གསུམ་ཡིན་པས། ཟླ་དང་པོའི་ཚེས་དགུ་ཉིན་གྱི་དྲོད་ཚད་དེ་ཉིན་འགའི་སྔོན་དང་བསྡུར་ན་བལྟས་བཅོས་ཀྱིས་ཅུང་ཙམ་ཇེ་དམའ་རུ་སོང་བ་དང་། ཟི་ལིང་ས་ཁུལ་དུ་ཁངས་བབས་པའི་རྐྱེན་གྱིས་ཆེས་མཐོ་བའི་དྲོད་གྲངས་གོར་ཐིག་མན་གྱི་བཅོ་བརྒྱད་དང་། ཆེས་དམའ་བའི་དྲོད་གྲངས་གོར་ཐིག་མན་གྱི་དགུ་ཡིན་པར་མ་ཟད། ཚད་རིམ་བཞི་ནས་ལྔ་བར་གྱི་ཤར་ལྷོའི་རླུང་གཡུག ཟླ་དང་པའི་ཚེས་བཅུ་ཉིན་ཟི་ལིང་ས་ཁུལ་དུ་ཁངས་ཆུང་ཆུང་འབབས་རྒྱུ་ཡིན་པ་དང་། ཆེས་དམའ་བའི་དྲོད་གྲངས་གོར་ཐིག་མན་གྱི་བཅུ་དྲུག་དང་། ཆེས་མཐོ་བའི་དྲོད་གྲངས་གོར་ཐིག་མན་གྱི་ལྔ་ཡིན། ཚེས་བཅུ་གཅིག་ཉིན་ཟི་ལིང་ས་ཁུལ་ལ་སྤྲིན་མང་བ་ནས་གནམ་ཐང་རྒྱུ་ཡིན་ལ། ཆེས་དམའ་བའི་དྲོད་གྲངས་གོར་ཐིག་མན་གྱི་ཉེར་གཉིས་དང་ཆེས་མཐོ་བའི་དྲོད་གྲངས་གོར་ཐིག་མན་གྱི་གསུམ་ཡིན་ཟེར།
  • ལེ་ཚན་སྔོན་མ།:ཞིན་ཧྭ་གསར་འགྱུར་ཁང་གིས2010ལོའི་རྒྱལ་ནང་གསར་འགྱུར་ཆེན་པོ་བཅུ་དཔྱད་འདེམས་བྱས།
  • ལེ་ཚན་རྗེས་མ།:ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་འབྲུག་ཆུ་རྫོང་གིས་ནུས་ཤུགས་གང་ཡོད་བཏོན་ནས་གནོད་ཐེབས་རྗེ
  • དོ་སྣང་ཆེ་བའི་རྩོམ།