འབད་བརྩོན་ནི།

མི་ཞིག་རི་རྩེར་འགོས་པའི་རྔུལ་ཆུ་དེ་ཡིན།

རྒྱ་མཚོ་ཧུབ་ཀྱིས་འཐུང་བའི་གཉིས་འཐུང་དེ་ཡིན།

འབད་བརྩོན་གྱིས་རི་བོ་སྒུལ་ཐུབ།

ས་གཞི་འདེགས་ཐུབ།

འབད་བརྩོན་ནི།

ཕྱིར་ལྡོག་མི་ནུས་པའི་རྦབ་ཆུ་དེ་ཡིན།

ཤང་ཤང་འབབ་པའི་མདུན་སྐྱོད་ཀྱི་གླུ་སྐད་

དེ་ཡང་ཡིན།

འབད་བརྩོན་གྱི་ཆུ་མོས་མི་ཚེའི་ལྗང་མདོག་གསོ་ཐུབ།

འབད་བརྩོན་གྱི་རིན་ཐང་ནི།

མཐར་ཐུག་གི་རེ་བ་དང་གྲུབ་འབྲས་ཀྱི་

ལྗོན་རྩེ་ན་སྨིན།

འབད་བརྩོན་ཞེས་པའི་ཡིག་འབྲུ་འདིའི་རྣོ་ངར།

སྟག་གི་མཆེ་བ་ནས་བུད་དེ་

སེང་གེའི་གཡུ་རལ་དུ་གསིག་ཅིང་།

འབྲོང་གཡག་གི་རྭ་རྩེར་འཁྱུད་པའི་སྟོབས་ཤུགས་

དང་དཔའ་སྙིང་།

རེ་བ་དང་ཡིད་ཆེས་དེའོ།།