དབྱངས་ཞི་བ། 2023-01-16
མུ་མེད་འཇིག་པའི་གླིང་ནས།།
རྩེ་མེད་འཁྱམ་པོ་ང་རང་། །
རྒྱང་རིང་རྒྱང་རིང་ཡུལ་ནས། །
བྱམས་པ་ཚོར་བཞིན་བགྲོད་ཀྱང་། །
དུས་ཀྱི་བསྐལ་པའི་འོག་ནས། །
སེམས་སོང་སྙིང་གི་ནོར་བུ། །
ལ་ལུང་སྟོང་གི་བཅད་པའི། །
རི་གྲོང་སྡེ་བའི་བར་གྱི། །
བརྩེ་མཐུན་འཛུམ་དཀར་མཚོ་མོ། །
བརྩེ་བའ་རྨི་ལམ་བར་ནས། །
བརྩེ་མེད་ཉམ་ཐག་མ་འགྱུར། །
བརྩེ་བའི་ཁྱོ་བོ་བདག་གིས། །
མཛའ་མཐུན་ལུ་གུའི་མེ་ཏོག །
མཚན་མོའི་རྨི་ལམ་ནང་ནས། །
འཛུམ་པའི་ཟླ་འོད་འཕྲོས་གཞིན། །
སྐེད་མཕྲ་ལུས་ཀྱི་གོས་ཡིན། །
རིང་བའི་རྒྱ་གྲོང་དཀྱིལ་གྱི། །
མཐུན་པའི་འཇོ་སྒེག་ལྷ་མོ། །
མིག་དང་ཁོག་པའི་སྙིང་ཡིན། །
བརྐུས་ནས་གང་དུ་གནས་སམ། །
དུ་མའི་ཡར་སྔོན་གླེང་ན། །
སྒྱུ་མའི་གཏམ་རྒྱུད་ཡུག་གཅིག །
བར་གྱི་གསང་བར་མཆིས་པ། །
གང་གི་རྟོགས་པར་ཡོད་དམ། །
ཕོ་མོའི་འགྲོ་འདུག་ལྟ་ཚེ། །
ཚེ་འདིའི་ཁྱོ་ཤུག་དེ་ནི། །
འཁོར་བའི་མི་རྟག་དེ་ལས། །
ལས་ཀྱང་མི་རྟག་མིན་སྙམ། །
སེམས་ཆུང་མཐུན་པར་གནས་པའི། །
བྲལ་མེད་རྒྱན་དུ་འགྱུར་བ། །
གྲང་ངར་ཆེ་བའི་ཁམས་ནས། །
དྲ་བའི་འཕྲིན་དུ་བསྐུར་ཡོད། །
དད་པའི་གོམ་ཁ་འགྲིག་བྱུང་། །
གཅིག་ལས་སྤོ་དགོས་བྱུང་སོང་། །
འགྲོགས་སའི་ཆང་ཁང་ཞིག་ལས། །
བརྒྱ་ལས་ཁྱོད་རང་འདེམས་ཡིན། །
བསྐལ་བ་སྟོང་གི་བར་དུ། །
སྐར་ཚོགས་སྨིན་དྲུག་ཁྱོད་ལས། །
མེད་པ་དམ་དུ་འཇོག་བཞིན། །
ཞུ་བའི་འཕྲིན་དུ་བསྐུར་ཡོད། །
རྩོམ་གསར། 10