༡

འཆར་སྣང་བོར་བའི་གྲིབ་

གཟུགས་འདི་དག།

ཚེ་མཇུག་འདི་ནས་མངོན་པ་མེད་ཀྱང་།

ལོ་ཟླ་དང་སྐྱོ་སྨྲེང་བར་ནས་ཡིད་

ལ་ལྷང་ངེ་གསལ་ཡོང་།

སྔར་བཞིན་འཆར་བའི་ཉི་འོད་

ལམ་ལམ་འདི།

བདག་གི་ཡིད་ངོས་སུ་ཤར་རྗེས།

ཞལ་རས་པདྨའི་འཛུམ་ཆུང་འདི།

མེ་ལོང་གི་བྱད་གཟུགས་ངོས་

ལ་ཤར་སོང་།

ཤིན་ཏུ་སྒུག་ཡུན་རིང་པའི་དུས་

ཚོད་འདི་ག་ནས།

ཁ་བ་བཞིན་ཟིམ་ཟིམ་དུ་འཐོར་རྗེས།

མིག་ཟུང་ཤོར་བ་ཐེངས་གཅིག་མིན།

དར་ལྕོག་བཞིན་རླུང་གིས་སྐྱོད་རྗེས།

སྨུག་རླུང་འཁྲིག་པ་ཐེངས་གཅིག་མིན།

གྲིབ་གཟུགས་འདི།

སྟོན་གཞུག་རྫོགས་རྗེས།

སྡོང་ལོ་བཞིན་ས་རུ་འཐོར་སོང་།

ང་རང་ཡང་སྐྱོ་ཉམས་བྱུང་སོང་།

ཚིག་གི་ཕུང་པོ་འདི་དག།

གྲིབ་གཟུགས་ལ་བཏང་བ་ཡུན་རིང་ཡིན།

ད་དུང་བཤད་འདོད་མ་བྱུང་སྐད་

ཆ་ཁ་ཤས་ཀྱིས།

བར་ཐག་གི་སྙིང་པོ་ཞིག་བཙལ་

བ་ཐེངས་གཅིག་མིན།

༢

སྐད་ཆས་མི་སེམས་གདུང་བར་བྱེད།

དེ་ལ་བར་ཐག་གི་རྒྱང་རིང་ཟེར།

མཚམས་མཚམས་སུ།

ང་རང་ང་རང་གིས་གདུང་བར་བྱེད་ཡོང་།

དེ་དུས་ང་རང་ཡིད་སྙིང་བོར་

གྱིན་འདུག།

དུས་ཚོད་འདི་ག་ནས།

ཤིན་ཏུ་སྨྲེང་བའི་མི་ཞིག་དྲན་ཡོང་།

ཚོད་ཚོད་དུ་དྲན་གྱིན་འདུག།

འདི་ཡང་རླུང་བུ་ལྡང་ཚུར་ཞིག་དང་།

དུས་ཚོད་ཀྱི་འཁོར་འགྲིབ་ཅིག་

ཡིན་ནམ།

སེམས་ཀྱི་བསླུ་ཚུལ་ཞིག་ཡིན།

སྙིང་པོ་བོར་བའི་མི་ཚེ་འདི།

ལྷོ་སྤྲིན་རྒྱུ་ཚུལ་དང་བསྡུར་ན།

ང་རང་ཞེ་གཏིང་ནས་སྐྱོ་བ་བྱུང་།

མི་སེམས་ཀྱི་དྲག་ཆར་འདི་ཡུན་

རིང་ལ་བབས་རྗེས།

སྙིང་ཉེ་བའི་མི་དག་གདུང་

བས་བརླན་སོང་།

མི་ནི་ཅི་འདྲའི་སེམས་ཁམས་སྙི་

མོ་ཞིག།

འགྱུར་ལྡོག་ཅུང་ཙམ་བྱུང་རྗེས།

མིག་ཆུ་འཐོར་གྱིན་འདུག།

སྐྱོ་གདུང་ནི།

དུས་ཚོད་ཀྱི་རླུང་བུ་འདྲ།

སྐབས་རེ་ལ།

སེམས་ཀྱི་བར་གསེང་དུ་རྒྱུ་

བཞིན་འདུག།

༣

མཐའ་ཡས་པའི་ནམ་མཁའ་ལ།

ཡང་ཡང་བལྟས་རྗེས།

གྲིབ་མས་གྲིབ་མ་དེད་ནས།

རྒྱང་རིང་གི་མི་ཞིག་འཚོལ་གྱིན་

ཡོད་པ་འདྲ།

ཉི་ནུབ་ཀྱི་བར་མཚམས་རེ་ནས་

སེམས་ཀྱི་རླུང་འཚུབ་འདི་དག།

ད་དུང་འཁུར་གྱིན་འདུག།

འདི་ནི་འདུ་འབྲལ་གྱི་འཚོ་བ་

ཞིག་ཡིན་པས།

སྐྱོ་སྣང་གི་སྐད་ཆ་འདོན་ས་ཅི་

ཡང་མེད།

གྲིབ་གཟུགས་ནང་གི་མི་ཞིག་

བཙལ་བ།

མེ་ལོང་ངོས་ཀྱི་རྡུལ་ཕྲན་རེ་རེ་ལ།

ཆུ་ནང་གི་ཟླ་གཟུགས་ལྟར།

ཡོད་ཙམ་ནས་འཇའ་བཞིན་

ཡལ་སོང་།