དུས་ཚོད་ཀྱི་མདའ་རྩེས་ལོ་ཟླ་དྲངས་བའི་དེ་རིང་།

འདས་སོང་ལ་ཕྱིར་དྲན་དང་གྱེས་ཕྱག་གཏོང་

བའི་དེ་རིང་།

ང་ཚོ་ནི་ཕུགས་བསམ་གྱི་ཁ་དོག་མི་འདྲ་

བའི་དབང་གིས།

འཚོ་བའི་སྐྱིད་སྡུག་སེམས་ཀྱི་ལྟེབས་སུ་བླངས་ནས།

མ་འོངས་ཞེས་གོ་མེད་ཚོར་མེད་ཀྱི་རང་ཉིད་ལ་

གོམས་པར་བྱེད་དགོས།

ལོ་གསུམ་མཐུན་སྒྲིལ་གྱི་ཨ་ལོང་འོ་ཆུའི་འདང་

བརྩེ་རུ་རུམ་པའི་སྤུན་མཆེད་དག།

ཁ་སེམས་མཐུན་པའི་དཔུང་བ་མཉམ་གཤིབ་ཀྱི་

མིང་སྲིང་མིན་པའི་མིང་སྲིང་དག།

ཁྱོད་ཚོ་ནི།

མུན་ནག་ས་སྲོས་དུས་ཀྱི་བཅོ་ལྔའི་ཟླ་བ།

བསམ་པའི་སྟོང་ཆ་སྐོང་བའི་ཡིད་བཞིན་ནོར་བུ།

མི་ཚེའི་དཔུང་རོགས་ཀྱི་སྐྱོར་འདེགས་ཀ་བ།

ཁྱོད་ཚོ་ནི།

སེམས་ཀྱི་གཤོག་པས་གྱེས་ཁའི་སྐྱོ་སྣང་མ་ཐེག་

པའི་མིག་ཆུ་ཡིན་ལ།

བརྩེ་འདང་སྦྲུམ་པའི་ལོ་ཟླ་འདི་དག་གི་གསུབ་དུ་

མེད་ལ་སྟོར་དུ་མེད་པའི་འཛུམ་མདངས་ཀྱང་ཡིན།

སློབ་གྲོགས་ཚོ།

ཁྱེད་ཅག་རེ་རེ་ནས་འཕུར་དགོས།

ཕྱེ་མ་ལེབ་དང་འདྲ་བར་འོད་ཀྱི་ཕུང་པོ་ལ་དགའ་ཞིང་།

ཚེ་སྲོག་ཀྱང་འོད་ལ་བསྟིམ་ཐུབ་པའི་

སྤོབས་པ་དགོས།།