མགུར་མའི་ཆུ་ཀླུང་འཁོར་འདས་གཉིས་སུ་བཞུར།།

བརྩེ་བའི་སྨིན་སྤྲིན་གངས་དཀར་སྒྲོན་མར་འཐིམ།།

ཚོར་བ་རླུང་ལྟར་གཡུགས་པའི་མཛའ་གཞས་དེས།།

གངས་ཀྱི་སྒྲོན་མ་ཚངས་དབྱངས་ལྷ་མོར་བཞེངས།།

འཁོར་བ་ནག་ནག་མཐའ་མེད་དབྱིངས་ལ་གཏགས།།

མཐའ་རྫོགས་མེད་པ་སྒྱུ་མའི་འཕྲུལ་འཁོར་བཞིན།།

བདག་ནི་འཁོར་བའི་གྲོང་གི་བྲན་གཡོག་བྱས།།

ཡིད་གསུམ་གུས་གུས་བྱེད་བཞིན་ཚངས་མ་ལ།།

དུངས་བ་འགྱུར་མེད་ཅིག་གི་གཡུང་དྲུང་བཞེངས།།

ལས་ཀྱི་གངས་དཀར་འཇམ་ཤ་ལྡེམ་པའི་ཚུལ།།

དབྱངས་ཅན་ལྷ་མོ་ཞིག་གི་གཉུག་གཤིས་ཆགས།།

ལས་ཀྱི་གངས་སྒྲོན་གངས་རིའི་འདབ་ནས་བཞད།།

འདྲིས་པའི་ལོ་ཟླ་རྒྱང་ནས་རྒྱང་དུ་བཏགས།།

རྫོགས་མེད་ལས་འཕྲོ་ཞིག་གི་འདེད་བཞིན་དུ།།

སྒྱུ་འཕྲུལ་འཁོར་བ་ཞིག་གིས་བདག་མོར་འབོད།།

སྙན་ངག་ལྷོད་པོ་ཞིག་གིས་ངང་ཚུལ་འབྲི།།

མཛེས་པ་ནམ་མཁའ་ཞིག་གི་ལྷ་མོར་འགྲན།།