སྟོན་ཁ། མགྲོན་པོ་བཞིན་སླེབས་སོང་།

ཇ་ཕོར་གྱི་ཁ་རུ། ཟླ་བ་འདར་ཡོམ་ཡོམ།

སུ་ཞིག་གི་ཞལ་ངོ་དང་ཀུན་ནས་མཚུངས།

གྲོ་ནས་ཀྱི་སྙེ་མ་ལྡེམ་ལྡེམ།

སུ་ཞིག་གི་རྒྱབ་གཟུགས་དང་ཅི་

འདྲའི་འདྲ་ཨང་།

སྟོན་ཁར། ཁ་རོག་གེར་རྩྭ་ཐང་ལ་འཁྲེང་

བའི་མི་སུ་ཞིག་ཡོད།

སྟོན་ཁར། ཁུ་སིམ་མེར་རྩོམ་ཀློག་ལ་སིམ་

པའི་མི་གང་ལ་ཡོད།

སྟོན་ཁར། སྙན་ཚིག་དང་མིག་ཆུའི་ཀློང་ནས།

སུ་ཞིག་གིས་སེམས་ཀྱི་མི་དེ་དྲན་གྱིན་ཡོད།

རི་ལུང་ཐང་གསུམ་ལ། གསེར་ཆུ་བྱུགས་

པའི་དུས་དེ་ནི།

མདའ་སྦྱིན་གྱི་དུས་ཏེ། མདའ་སྦྱིན་གྱི་

དུས་དེར།

ཏག་ཏག་ཁྱོད་ཁོ་ནས། ང་ལ།

ན་ཟུག་བསླངས་སོང་། མིག་ཆུ་བསླངས་སོང་།