ཚོར་ཤེས་དང་སེམས་འགྱུ་ལ་

རྡུང་རྡེག་དྲག་པོས་

ཁྲོ་བོ་དང་མེ་ལྕེ་ཞེ་ལ་འཁྲེང་ནས་

སྟག་རྒྱབ་ཀྱི་སྐྲ་ལོ་དེ་དག་ཡོངས་སུ་ཀེར།

སྣ་ཚོགས་ནི་སྣང་བརྙན་དུ་འཕྲུལ་ནས་

དོན་གྱིས་གང་ཞིག་ཏུ་ལྷུང་མྱོང་།

རྨི་ལམ་དང་ཞེ་རྩ་འདྲིས་པའི་དོན་

གྱིས་བདེ་སྐྱིད་དང་འཁོར་བ་ནི་

ཚེ་སྲོག་གི་སྲུབས་ཀ་ན་ཁྲལ་དུ་ཆགས།

དུས་ཚོད་དང་ལོ་ཟླ་འགྲོ་བའི་

སྒྲ་རླབས་ཕལ་བ་དག་ཀྱང་།

ཐག་ཐག་གི་གོ་ཚོར་སྐྱེས།

ཡོད་ཚད་ལ་འགྱུར་ལྡོག་ཡོད་པའི་

སྣང་བརྙན་མཐོང་།

འོན་ཏེ་དུས་ནི་འགྱུར་ཡང་ཚད་ནི་

མ་འགྱུར་བར་ཚོར་བས་

ནམ་ཡང་འཕེལ་རྒྱས་ནི་

གོ་རིམ་མེད་པར་དོག།

སྔོན་འགྲོ་ནི་སྙིང་རྗེ་མེད་པ་

ཞིག་ཏུ་འཛེམ།

དེ་དག་ཡོངས་སུ་བསྡུས་པའི་

ལེའུ་ཞིག་ཏུ་ངས་མི་ཚེ་

འདིའི་འདས་སོང་གི་

ཕྱེད་ཀ་དང་།

མ་འོངས་པའི་ཕྱེད་ཀ་ཕལ་ཚོད་ཐུབ།

དངངས་སྐྲག་འདི་དག་གིས་

བཅིངས་བས་དོན་གྱིས་

ང་ལ་ཅི་ཡང་མེད་

པ་ཚོར་ཡོང་།

མི་དང་སྲོག་ཆགས་མཐའ་ན་

སེམས་ཅད་མཐའ་དག།

དོན་གྱིས་ཨུ་ཚོ་འཁོར་བའི་དངངས་སྐྲག་

གི་གསེབ་ན་མེད་དམ།

འཁོར་བ་དེ་སྡུག་བསྔལ་ཞིག་

ཏུ་བརྫས་ཡོད་ན་

ཚད་བརྒལ་གྱི་དངངས་སྐྲག་ཅིག་

ཀྱང་ཡིན་སྲིད།

སྐྱེ་བ་དང་འཆི་བ།

མ་འོངས་པའི་མགྲོན་པོ་ངོ་གཉིས།

མི་ཡུལ་འཁོར་བའི་ལུང་ན་

སྐྱེ་དགའ་ན་འཆི་ཟེར་བའི་

ཆོས་ཉིད་ཅིག་འཁྲུངས།

བདེ་སྡུག་དང་སེམས་འགྱུ་

སྣ་ཚོགས་ཀྱིས་སྤུད་པའི་

དོན་གྱི་འཁོར་བ།

འཇིག་རྟེན་ལས་སངས་མ་རྒྱས་ཚེ།

བྱ་དངོས་ཐམས་ཅད་འཁོར་བའི་

འོག་ན་ཡོད་པ་མིན་ནམ།

ནམ་ཞིག་རང་ཉིད་འཆི་འགྱུར་ཚེ།

གནས་གང་ཞིག་ལ་འཁྱམ་དགོས།

དེ་ནི་ཅི་འདྲའི་འཇིགས་སུ་རུང་བའི་

དྲི་བ་ཞིག་རེད་ཨང་།

དངངས་སྐྲག་་་་་་་དངངས་སྐྲག་་་་་་

ཁྱོད་ཅིའི་ཕྱིར་དུ་མིའི་

ལུས་སྟེང་དུ་ཟུག་ཡོད།