སྙིང་ཉེ་བའི་མི་ལགས།

ཁྱོད་རང་ཆམ་ནད་ཅིག་གིས་ཉོབ་བཞིན་ཡོད་དམ།

ཡང་ན་སྙིང་ནད་ཅིག་གིས་གཙིགས་བཞིན་ཡོད་དམ།

ཁྱོད་རང་ན་བ་ནི་ང་རང་ན་བ་ཡིན།

ཁྱོད་རང་ཉོབ་པ་ནི་ང་རང་ཉོབ་པ་ཡིན།

ཁྱོད་རང་འཁྱག་པ་ནི་ང་རང་འཁྱག་པ་ཡིན།

དེ་བས། ཁྱོད་རང་ཅིས་ཀྱང་ན་ཚ་དང་གྱེས་དགོས།

སྙིང་ཉེ་བའི་མི་ལགས།

གནས་འདི་ན་ཁ་བ་འབབ་བཞིན་ཡོད།

གནས་འདི་ན་གྲང་རླུང་ལྡང་བཞིན་ཡོད།

ཡིན་ནའང་། ཁྱོད་ཡོད་སར་འདི་ལྟར།

ཁ་བ་འབབ་བཞིན་ཡོད་དམ།

རླུང་བུ་ལྡང་བཞིན་ཡོད་དམ།

ད་ནི་དགུན་ཁ་ཚེས་བྱུང་བས།

ཁྱོད་ཀྱིས་ཅིས་ཀྱང་ལྭ་བ་མཐུག་པོ་གྱོན་དགོས།

ཁྱོད་ཀྱིས་ཅིས་ཀྱང་ལུས་ཁམས་ལ་བདག་པོ་རྒྱག་དགོས།

སྙིང་ཉེ་བའི་མི་ལགས།

ང་ནི་ཐག་རིང་ཞིག་ཏུ་ཡོད་པས།

ཁྱོད་ཀྱི་ཕྱོགས་སུ་སེམས་པ་འཁོར་ནས་བསྡད་དེ།

ཁྱོད་རང་འཁྱག་གིན་ཡོད་མེད་ལ་བསམ་བློ་བཏང་།

ཁྱོད་རང་ན་བཞིན་པ་དེ་ཇི་ལྟར་དྲག་ཐབས་

ལ་བསམ་བློ་བཏང་།

རེད་དེ། ང་རང་བྱ་ཞིག་ཡིན་ན་བསམ་མྱོང་།

ང་རང་རླུང་ཞིག་ཡིན་ན་སེམས་མྱོང་།