མི་རིགས་དོན་ཆེན་སྒྲུབ་པར་དགའ་ཡི་བརྫུན་བཟོས་ཧོར་གཏམ་བྱ་བཞག་མིན། །
     དོན་ལྡན་བྱ་བ་དམིགས་པ་འཚོལ་གྱི་དོན་མེད་འཁྲུག་རྩོད་སྙིང་ནོར་མིན། །
     ལ་རྒྱའི་ཀི་སྒྲས་བར་སྣང་ཁྱབ་ཀྱི་རང་རིགས་བརླག་པ་དམིགས་ཡུལ་མིན། །
     དགོས་རྒྱུ་ཕན་པའི་འབྲས་བུ་ལེན་གྱི་མི་དགོས་གཤེད་དེ་དུག་བཞིན་སྤོང་། །
    
     མ་འོངས་མདུན་ལམ་འོད་ཟེར་ལྡན་གྱི་ཉམས་རྒུད་ཡིད་སྐྱོའི་གནས་མ་ཡིན། །
     ཤེས་བྱ་ནམ་མཁའི་མཐའ་དང་མཉམ་གྱི་ཕ་བསད་རྒྱལ་རྔ་རྡུང་མི་འོས། །
     དགེ་བའི་བཤེས་གཉེན་གོང་དུ་བཀུར་གྱི་དམའ་འབེབས་བྱ་བའི་ཡུལ་མ་ཡིན། །
     ལག་ལེན་ནང་ནས་བདེན་དོན་འཚོལ་གྱི་བར་སྣང་སྟོང་གཏམ་ངོ་ཚའི་རྒྱུ། །
    
     མེས་པོའི་ཤུལ་བཞག་གོང་དུ་སྤེལ་གྱི་རྩ་མེད་བྱ་བའི་གནས་ཡུལ་མིན། །
     དངོས་ཡོད་གནས་ཚུལ་ཞིབ་མོར་དཔྱོད་ཀྱི་ཕྱོགས་རིས་ལྟ་ཚུལ་དཔྱོད་ཤེས་མིན། །
     མདོ་དབུས་ཁམས་གསུམ་མཐུན་སྒྲིལ་བྱེད་ཀྱི་ཕྱོགས་འཐེན་ཁ་བྲལ་ལ་རྒྱ་མིན། །
     ཁ་བའི་བུ་རྣམས་སེམས་ལ་བཟུང་དང་ང་ཡི་སྙིང་གི་སྤུན་ཟླ་ཚོ། །