བདག་ནི་ལྷ་སྒང་སློབ་ཆུང་གི་སློབ་མ་ཞིག་ཡིན།  ལོ་རིམ་དང་པོ་ནས་ད་ལྟའི་བར་བདག་ལ་སེམས་འགུལ་ཐེབས་པའི་དོན་དག་མང་པོ་ཞིག་བྱུང་མྱོང་།  ཡིན་ན་ཡང་།  དེའི་ནང་ནས་ནམ་ཡང་བརྗེད་མི་སྲིད་པ་ནི་སེམས་པ་འོ་མ་ལྟར་དཀར་བའི་ངོ་མི་ཤེས་པའི་ཨ་ཅེ་ཞིག་དང་འཕྲད་པ་དེ་ཡིན།
སྐབས་དེར་ང་རང་ནི་ལོ་རིམ་དང་པོའི་སློབ་མ་ཞིག་ཡིན།  ཉིན་ཞིག་ལ།  སློབ་གྲྭ་གྲོལ་ནས་ང་རང་ཁྱིམ་དུ་ལོག་བཞིན་ཡོད་པ་ན།  གློ་བུར་དུ་གནམ་ནག་ནས་འབྲུག་སྒྲ་ལྡིར་བ་དང་།  ཅུང་མ་འགོར་བར་ཆར་པ་ཤག་ཤག་ཏུ་བབས་བྱུང་།  དེ་དུས་ངས་ཆར་གདུགས་བཟུང་མེད་ལ།  ད་དུང་ཁྱིམ་དང་ཁ་ཐག་ཧ་ཅང་རིང་།  ངས་དཔེ་ཁུག་ནང་གི་དཔེ་ཆ་ཚང་མ་རློན་ངེས་པར་སྙམ་ནས་མྱུར་དུ་སྟོད་ཐུང་ཕུད་དེ་དཔེ་ཁུག་འགེབ་པ་ཡིན།  སྐབས་དེར།  ངའི་རྒྱབ་ཏུ་མི་ཞིག་གིས་ནུ་མོ་ལགས།  ང་སྒུགས་དང་ཞེས་བོས་བྱུང་།  ངས་ཕྱིར་འཁོར་ནས་བལྟས་ཚེ།  ཁོ་མི་ནི་ངས་ངོ་མི་ཤེས་པའི་ཨ་ཅེ་ཞིག་རེད།  ཁོ་མོས་རང་ལག་གི་ཆར་གདུགས་ངའི་ལག་ཏུ་སྤྲད་ནས་ནུ་མོ།  མགྱོ གས་