ཤོག་བུར་གླན་པའི་སྨྱུག་སྣེ།
    མཛའ་མོའི་མཆུ་རུ་འཁྱུད་པའི་བདག་གི་མཆུ་བསྒྲོས།
    དལ་ཙམ་དལ་ཙམ་གྱིས།
    སྲེད་ཤ་ལངས་བའི་རུས་གསེང་དུ་འཛུལ་དུས།
    ཕྱི་ཤུན་བཞོག་ཚར་བའི་སེམས་པ་ཞིག་གིས།
    ནང་ཤ་གཏུམ་གྱིན་ནང་རུས་གཅག་གིན་ཕྱི་རུ་མཆོང་དུས།
    ངུ་དབྱངས་གྱི་རྒྱང་འབོད།
    འོད་སྣང་བོར་བའི་ཞིང་ཁམས་སུ་སྤུར།
    འདྲ་བ་དེ་རྡོ་ཞིག
    འདྲ་བ་དེ་མཚོ་ཞིག
    སྙིང་ཚད་འདུག་མ་མྱོང་བས།
    མཆོང་ཚད་དལ་མ་མྱོང་བས།
    ཁེར་པའི་སྡུག་བསྔལ་འཚོ་བའི་བྲང་བར་བཏེགས།
    སྐྱོ་སུན་ཡིད་ཀས་སྡུག་གི་ཆུ་འཁྱག་འཐུངས།
    ཤི་སྙིང་ཡང་ཡང་སྐྱེས་པས།
    སྡུག་མིག་ནམ་ནམ་བགྲད་པས།