སྨག་རུམ་ན་བུན་གཏིབས་པའི་ལམ་དུ་སུག་བཞིའི་གོམ་པ་ཤུགས་ཀྱིས་བསྐྱོད། །
ཚ་རྡོག་ཁམ་གང་ཟས་སུ་རོལ་ནས་བདེ་སྐྱིད་ཉི་འོད་མགྲོན་དུ་འགུགས། །
ལྷན་སྐྱེས་རྔ་མོང་ཟུང་གི་རི་བོར་ཉི་ཟླ་རྒྱུ་བའི་དཔལ་ཁུར་ནས། །
མཚམས་སྤྲིན་གྱིས་འཁྱུད་སྐར་མའི་བསུ་སར་མདུན་བསྐྱོད་གོམ་འགྲོས་ལྷུ་རུ་ལེན། །
བཟློག་པར་མི་ནུས་བརྩོན་འགྲུས་རྐང་པ་མི་སླེབས་བཤུལ་ལམ་ཡོད་མ་ཡིན། །
སྲེག་པར་མི་ནུས་བརྩོན་འགྲུས་རྐང་པ་མི་སླེབས་བཤུལ་ལམ་ཡོད་མ་ཡིན། །
སྲེག་ཟའི་མེ་དཔུང་རབ་ཏུ་འབར་བའི་མྱ་ངམ་བྱེ་ཐང་ཡངས་བའི་མཐར། །
ཡུད་ཀྱིས་བརྒལ་བའི་སྟོབས་ལྡན་ཁྱེད་ཉིད་རླན་གཤེར་གསེར་གྱི་གྲུ་བོར་རྟོག །
༡༩༨༨   ༤  ༢༨ཉིན་གསར་མཁར་མཛའ་ཤེས་གསོལ་མགྲོན་ཁང་དུ།