གངས་རིའི་ལྗོངས་ཀྱི་གླུ་གཞས་སྙན་མོར་ཉན་ཞིང་ཉན་ཞིང་བསམས་ཙ་ན། །
དབྱངས་སྙན་འགྱུར་ཁུག་སྟོང་གིས་འཁྱུད་པའི་གངས་ཆུ་བསིལ་མ་འབབ་པ་བཞིན། །
ཡིད་ཀྱིས་བསྐྲུན་པའི་གཟེབ་རྒྱ་དེ་ཉིད་ཆུ་ཐུབ་ཕོ་བྲང་ཡིན་མ་བསམ། །
གཟེབ་ལས་ཤོར་བའི་བྱེའུ་ཆུང་འཇོལ་མོ་ཟིན་ཐབས་དབེན་པ་མ་རཽགས་སམ། །
 
མེ་འཁྱེར་སྲིན་འབུའི་འོད་སྣང་ཙམ་གྱིས་འཛམ་གླིང་ཉི་མར་འགྲན་ནུས་མིན། །
 
ལྷུང་ལྷུང་གཙང་པོ་འབབ་པའི་སྒྲ་དབྱངས་དམ་པ་ཁྱོད་ཀྱིས་གསན་པ་ན། །
རླབས་ལྡན་ང་རོའི་རྒྱ་མཚོ་དེ་ཡང་སུ་ཡིས་བསྐྱེད་པ་རྟོགས་པར་འགྱུར། །
    ༡༩༨༣ལོའི་དགུན་དུས་སུ་གསེར་མཁར་དུ།