ཁྱེར་རང་ཆེས་ཆུང་ཆུང་གི་གྲིབ་གཟུགས་དེ་ཡིན་ན
     ང་རང་གྲིབ་གཟུགས་ལ་འཁོར་བའི་སྦྲང་མ་མགོ་འཁོར་ཞིག་ཡིན
     ཁྱོད་རང་ཆེས་ཐུང་ཐུང་གི་ལྗང་བུ་ཞིག་ཡིན་ན
     ང་རང་ལྗང་བུའི་སྟེང་ལ་འཁྱིལ་བའི་ཆུ་ཟིལ་དེ་ཡིན      
 
 
     སེམས་ཀྱི་ལྗོན་ཤིང་མ་འགྱེལ་བའི་བར་དུ
     ངས་སྟོང་བསམ་སྣ་ཚོགས་ཀྱི་བྱེའུ་གྲངས་མེད་ཀྱིས
     ཁྱོད་ཀྱི་ཡལ་ག་རེ་རེའི་གསེབ་ལ་ཚང་མལ་བཟོས་ཡོད་པས
     ཁྱོད་ནི་ངས་ཡིད་སེམས་ཀྱི་གཞུང་ཤིང་བཏེགས་པའི་ཁྱིམ་རྒྱུད་ཡིན
 
     སྦྲང་མ་དེ་མེད་ན
     གྲིབ་གཟུགས་ཡང་རྣམ་ཤེས་ཀྱིས་ཕབ་པའི་རྐང་རྗེས་ཤིག་ཡིན་པ
     སུས་ཀྱང་མི་ཤེས་ལ
     ཆུ་ཟིལ་དེ་མེད་ན
     ལྗང་བུ་དེ་ཡང་མྱ་ངམ་ཐང་གི་དཔྱིད་དཔལ་ཙམ་གྱི
     མཐོང་འདོད་ཆེ་བའི་ལྗང་ལོ་དེ་མིན་པས
 
     ཨ་ཇོ་ལགས
     ཁྱོད་ཀྱི་འོད་ཟེར་གྱི་ལམ་ཆེན་དེ་ལ
     བུ་མོ་ངས་རྐང་རྗེས་བཞག་ཡོད་ན
     ང་ལ་ཨ་ལན་ཞིག་སྟེར་རོགས
    
     བུ་མོ་ངའི་ལང་ཚོའི་ཟིལ་བ་མ་སྐམ་པའི་བར་དུ
     ཡང་ན་རྒས་གཉེར་གྱི་མདུད་པ་མ་བཤིག་བར་དུ