མ་ཡུམ་སློབ་གྲྭ་རང་ཁྱིམ་གྲུ་བཞི་ཡིན། །
    དགེ་རྒན་བཟང་པོ་རང་གི་ཕ་མ་ཡིན། །
    དཔེ་ཁུག་ཆུང་ཆུང་ནོར་བུའི་སྒམ་ཆུང་ཡིན། །
    སློབ་གྲོགས་ཕན་ཚུན་མཐུན་པ་སྤུན་བཞི་ཡིན། །
    མ་ཡུམ་སློབ་གྲྭ་ཕ་ཁྱིམ་སྨུག་པོ་ཡིན། །
    རྒན་གྱི་བསླབ་བྱ་ཤ་ཚ་སྙིང་གཏམ་ཡིན། །
    ཤེས་རིག་ནོར་བུ་ལམ་སྟོན་སྒྲོན་མེ་ཡིན། །
    སློབ་གྲོགས་ཕན་ཚུན་ཕུ་ནུ་མིང་སྲིང་ཡིན། །
    མ་ཡུམ་སློབ་གྲྭ་ཤེས་བྱའི་འབྱུང་ཁུངས་ཡིན། །
    དགེ་རྒན་བཟང་པོ་ནོར་བུའི་བང་མཛོད་ཡིན། །
    བརྩོན་ལྡན་སློབ་མ་རྐང་དྲུག་བུང་བ་ཡིན། །
    རིག་པའི་ཆུ་ཚད་དབྱར་མཚོ་ལྟར་དུ་རྒྱས། །
    མ་ཡུམ་སློབ་གྲྭ་གཉོམ་ལག་རྒྱས་ས་ཡིན། །
    དགེ་རྒན་བཟང་པོ་ནམ་མཁའི་ནོར་བུ་ཡིན། །
    སློབ་བུ་རྣམ་པ་ནམ་མཁའི་སྐར་ཚོགས་ཡིན། །
    ནོར་བུ་སྐར་ཚོགས་འོད་མདངས་རྒྱས་པར་སྨོན། །