ཁྱེད་ནི་ཁ་བའི་འོབས་ཀྱི་མེ་ལྕེ་དང་འདྲ་བོ་ཡིན།
ཁྱེད་ནི་བོད་ལ་དམིགས་བསལ་དུ་ཡོད་པའི་གླིང་སྒྲུང་དང་འདྲ་བོ་ཡིན
ཁྱེད་ནི་ཉིན་མོའི་སྐར་མ་ཁེར་སྡོད་ཅིག་དང་འདྲ་བོ་ཡིན
ཁྱེད་ནི་ཚ་མི་ཚ་མེད་པའི་ཚེར་མའི་མེ་ཏོག་དང་འདྲ་བོ་ཡིན
ཁྱེད་ཀྱི་གཡུ་རལ་གསིག་ཤེས་པའི་སེང་གེ་དེ་ད་དུང་འདི་ན་ཡོད
ཁྱེད་ཀྱི་དམ་བཅའ་རྡོ་རྗེའི་ཚིག་རྐང་གཅིག་པོའང་ད་དུང་འདི་ན་ཡོད
ཁྱེད་ཀྱི་བྲང་ཁོག་སྟོད་ན་འཕྱོ་བའི་དགའ་སྐྱོ་ཆགས་སྡང་གི་ཡི་གེའང་ད་དུང་འདི་ན་ཡོད
ཁྱེད་ཀྱི་ཚེ་གཅིག་ལུས་གཅིག་ལ་འགག་མ་མྱོང་བའི་གླུ་སྐད་དེའང་ད་དུང་འདི་ན་ཡོད
ཁྱེད་ནི་མེ་སྟག་སྤར་མོ་གང་བཟུང་ནས་ཐོན་འོངས་པ་དེ་ཡིན་ནམ
ཁྱེད་ནི་མེ་སྟག་སྤར་མོ་གང་བཟུང་ནས་བུད་སོང་བ་དེ་ཡིན་ནམ