བྲིས་ན་སྨྱུག་གུའི་རྩལ་གྱིས་རྫོགས་སུ་མེད་ཅིང་།།
བཤད་ན་ལྕེ་ཡི་རྩལ་གྱིས་འཆད་པར་དཀའ་བའི།།
ཕ་མའི་སྐུ་དྲིན་གསེར་གྱི་རི་རྒྱུད་ལྷུན་པོ།།
ཨེ་མ་ལ་ཧོ་ཕྲན་གྱིས་ཇི་ལྟར་འཇལ་ཐུབ།།
འཇིག་རྟེན་སྲིད་གསུམ་སྣ་ཚོགས་ཇི་འདྲའི་བརྒྱན་ཡང་།།
འཇིག་རྟེན་ཡོངས་ན་ཕ་མའི་བཀའ་དྲིན་རླབས་ཆེ།།
འཇིག་རྟེན་རྒུད་པའི་ངོ་བོ་ཇི་ལྟར་རྒོད་ཀྱང་།།
འཇིག་རྟེན་འདི་ནས་ཕ་མ་གཏན་དུ་བརྗེད་མེད།།
ང་འདྲ་ག་ས་གང་ནས་སྣ་ཚོགས་འདུག་པར།།
ང་རང་སེམས་པའི་གཏིང་ནས་དགའ་ཚོར་སྐྱེས་ཡོད།།
ང་ཡི་ཕ་མ་ཚེ་རིང་ལོ་བརྒྱར་བཞུགས་པར།།
ང་ཡི་ཐོག་མའི་རེ་འདུན་དང་པོར་བསྔོའོ།།
ཕ་མ་རྙེད་མེད་དགུང་གི་ཉི་ཟླ་ཟུང་ཡིན།།
ཕ་མའི་མཛད་པ་དྭངས་གཙང་དྲི་མེད་མཚོ་ཡིན།།
ཕ་མ་འདྲ་འདྲ་བླ་འོག་གང་དུ་བཙལ་ཡང་།།
ཕ་མར་ཡོངས་མཚུངས་ཅན་ཞིག་ཡེ་ནས་མི་འདུག།