གནའ་ཆགས་གངས་རིས་མཐོར་བཏེགས་པའི།
མཐོ་སྒང་གི་གྲུ་ཟུར་ཞིག་ཏུ།
ཁོ་བོས་མི་ཚེའི་གོམ་ཁ་བསྒྱུར།
ཡ་གིའི་གངས་རྒན་མ་དང་།
རི་སུལ་གྱི་དལ་འགྲོ་མ།
ཁོ་བོའི་སྡོང་གྲོགས་སུ་གྱུར།
ཕྲ་སྦོམ་རས་སུ་བཀྲ་བའི་མེས་པོའི་ཤུལ་ལམ།
ལ་ལུང་ཀུན་ཏུ་ཁྱབ་པའི་རིགས་རྒྱུད་ཀྱི་རྣམ་ཤེས།
ཁ་བའི་སྦུབས་ལས་འབུར་བའི་མེ་ཏོག་གངས་ལྷས།
སྤོབས་སེམས་ཆེར་བསྐྱེད་དེ་བགྲོད་བྱེད་ཡང་བར་བྱས།
ཡིད་ཆེས་དམ་དུ་བཅངས་ཏེ་བགྲོད་བྱ་གསལ་པོར་གྱུར།
ལམ་དཀྱིལ་གྱི་ཤུལ་རྗེས་རེ་ལ་རྔུལ་ཆུ་ཟིམ་ཞིང་།
ལམ་འགྲམ་གྱི་རྩྭ་ཕྲན་རེ་ལ་ཚེ་སྲོག་རེ་འཁྱིལ་བ་ན།
རིང་ནས་འཚོལ་བའི་བདེན་དོན་གྱི་གླུ་དབྱངས།
སྙིང་ཆུང་གི་འཕར་སྒྲ་དང་ཇེ་དྲག་ཏུ་གྱུར།
སེམས་མཐིལ་དུ་འདེབས་པའི་གཏན་འདུན་གྱི་ས་བོན།
དཀའ་སྡུག་གི་ཟུངས་ཁྲག་དང་ལྷན་དུ་བསྲེས་ནས།
བསྟི་གནས་ཀྱི་གངས་རྒན་མའི་དྲུང་དུ།
དུས་རབས་ཀྱི་ཉི་གཞོན་བསུ་བར།
སྙིང་ཆུང་འགས་ཀྱང་འགྱོད་ནོངས་ཅི