མ་ཡུམ་སློབ་གྲྭ།
ཁྱེད་ནི་བཅུ་ཕྲག་རིག་གནས་ཀྱི་བང་མཛོད།
མཁས་བརྒྱ་འགྲན་གླེང་གི་རིག་པའི་གྲལ་སྟེགས།
ཁྱེད་ནི་མཚར་སྡུག་འོད་སྟོང་འབར་བའི་
བགྲང་བྱ་སུམ་ཅུའི་ལོ་རྒྱུས་རིང་པོ།
མ་ཡུམ་སློབ་གྲྭ།
ཁྱེད་ཀྱིས་བདག་ལ་གནང་བ་ཡོད་ཚད།
སེམས་ཀྱི་གང་བུ་རུ་བཅུག་ནས།
ཁྱེད་ཀྱི་བགྲང་བྱ་སུམ་ཅུའི་འཁྲུངས་སྐར་ལ་
མེ་ཏོག་གི་མཆོད་པ་འབུལ།
མེ་ཏོག་འདིས་ཁྱེད་ལ་བཅངས་པའི་
འགྱུར་མེད་ཀྱི་བརྩེ་དུང་མཚོན།
མ་ཡུམ་སློབ་གྲྭ།
ཁྱེད་ནི་སྔོན་བྱོན་མེས་པོ་ཚོས་མཛད་པའི་
ལོ་རྒྱུས་ཀྱི་རིག་གནས་མ་ཉམས་དར་སྤེལ་དང་།
ཉམས་པ་སླར་གསོ་བྱེད་སའི་ཤེས་བྱའི་ལྡུམ་ར།
མ་ཡུམ་སློབ་གྲྭ།
ཁྱེད་ཀྱི་ཞུམ་མེད་ཀྱི་དཔའ།
འཇིགས་མེད་ཀྱི་སྙིང་།
བླ་མེད་ཀྱི་མཛད་རྗེས་སོགས།
འཛམ་གླིང་ན་འབྲུག་ལྟར་གྲགས་བཞིན་མཆིས།
མ་ཡུམ་སློབ་གྲྭ།
ཁྱེད་ཀྱི་བསྟན་པ་ཁྲི་ལོར་ཤོག