ཤ་རུས་གདུང་རྒྱུད་གཅིག་པའི་སྤུན་ཟླ་ཚོ།
     བསིལ་ལྡན་ཁ་བ་རི་བོའི་ཞིང་ཁམས་ནས།
     བཅུ་ཕྲག་རིག་པའི་གླེགས་བམ་ནང་འཛུལ་བཞིན།
     ཤེས་རིག་གི་ཡང་སྙིང་འཚོལ།
     དམིགས་འདུན་གཅིག་པའི་སྤུན་ཟླ་ཚོ།
     བྱམས་ལྡན་ཨ་མའི་གཞས་དབྱངས་སྙན་མོ།
     རི་རྒྱལ་ལྷུན་པོའི་ཡང་སྟེང་ལ་མཆེད་བཞིན།
     མདུན་བསྐྱོད་ཀྱི་རྒྱགས་ཕྱེ་འཚོལ།
     ཡུལ་སྲོལ་གོམས་གཤིས་གཅིག་པའི་སྤུན་ཟླ་ཚོ།
     དཀའ་བ་ཁྲི་ཕྲག་དང་དུ་ལངས་ནས།
     ཚན་རིག་གི་རྒྱལ་ཁམས་འགྲིམ་བཞིན།
     གསར་གཏོད་ཀྱི་ལྡེ་མིག་འཚོལ།
     ལ་རྒྱ་དང་སྤོབས་པས་ཁེངས་པའི་སྤུན་ཟླ་ཚོ།
     རྨོངས་མུན་གྱི་འཚོ་སྟངས་སྡུག་པོ་བསྒྱུར་ནས།
     འཆམ་མཐུན་གྱི་བདེ་སྐྱིད་ལ་བརྩོན་བཞིན།
     འབྱུང་འགྱུར་གྱི་ཕ་ཡུལ་འཚོལ།